Transvaal Gebiedskantoor

Gebiedskantoor: Die Gebiedskantoor is verheug dat Suid-Afrika uiteindelik op Vlak1 kan funksioneer en ons kan nie wag dat almal kom kuier by die Gebiedskantoor nie …

Vloeibare anti-bakteriese Handwasseep is teen ‘n billike prys te koop by Transvaal Gebiedskantoor

Vloeibare anti-bakteriese Handwasseep

Kom kuier en koop vloeibare anti-bakteriese Handwasseep vir jou huis, karavaan en kantoor

Kantoor gesluit: Die langnaweek wink en dus sal die Gebiedskantoor gesluit sal wees op Vrydag 25 September 2020.

Kantoorure: Ons kantoorure sal vanaf 1 Oktober 2020 as volg wees

Maandae, Dinsdae, Donderdae: 08:00 – 16:00

Woensdae: 12:00 -16:00

Vrydae: 08:00-14:00

Hoop om jou binnekort te sien by die Gebiedskantoor!

Transvaal Omsendbrief: September 2020

Wil jy graag meer weet van 2020 Voorslag, die 2021 PV proses, die Voriesaamtrek in Januarie 2021 asook die Voortrekkers se 90 jaar fees in 2021, lees dan gou die nuutste omsendbrief!

Transvaal omsendbrief: September 2020

KOMMUNE WOONSTEL OPGRADERING EN HERSTELWERK

Die Voortrekkers Transvaal het ‘n 1 slaapkamer woonstel te Francis Baardstraat wat opknapping benodig.  Die Gebiedsbestuur wil graag ‘n persoon met die nodige vakmanskap en ervaring die geleentheid gee om hierdie werk te verrig.  Indien jy sou belangstel om te kwoteer hiervoor stuur asb ‘n epos met jou kontakbesonderhede aan die gebiedskantoor ([email protected]) teen Maandag, 31 Augustus 2020. 

‘n Terrein vergadering sal gehou word te Francis Baardstr 990, Hatfield op Woensdag 2 September 2020 om 15:00 waar die nodige verwagtinge vir die opknapping deurgegee sal word.  Die nodige COVID-19 protokols sal in plek wees tov bywoning en dus is dit belangrik dat u aandui in u epos of u die vergadering daardie dag sal bywoon.

Vir enige navrae in die verband kontak gerus vir Izelle Ryan by die gebiedskantoor; [email protected] / 012 430 3914 / 082 856 2981

Transvaal Voorslag 2020: Uitnodiging en Inskrywing

Almal is opgewonde om te mag deelneem aan die 2020 Voorslagproses.

Hiermee die nodige dokumentasie vir alle Graad 7 Voorslagkandidate se aandag

  1. Uitnodigingbrief
  2. Inskrywingsvorms
  3. Pi-vorm (elektronies invulbaar)
  4. Voorslag Prospektus
  5. Voorslagliedjies
  6. Riglyne vir voltooiing van die die P1-vorm

Die Voorslagtoetsing vind plaas op Saterdag 31 Oktober 2020.

Die Kaart-en-touwerk punte gaan prakties geëvalueer word en die toerusting vir die touwerk sal voorsien word. Alle ander evaluerings word teoreties gedoen, insluitend sang, seremonies, spelleiding en situasies.

Alle jeuglede skryf die eksamen in Formele Voortrekkerdrag wat dan ook geëvalueer sal word.

Sluitingsdatum vir inskrywings is Woensdag 23 September 2020.

Die Voortrekkers Transvaal: Spanbyeenkomste en Spankamp dokumentasie

Die vlak 2 regulasies, soos uitgereik in die staatskoerant op 17 Augustus 2020, maak onder andere voorsiening vir die sosiale verkeer tot ‘n maksimum van tien (10) persone. Dit baan die weg vir spanbyeenkomste en spankampe.

Transvaal Voortrekkers het na behoorlike konsultasies met kundiges, wat medici en regsadvies insluit, besluit om spanbyeenkomste en spankampe vir spanne wie se getalle ‘n maksimum van tien (10) spanlede is; toe te laat.

Dit is egter belangrik om te besef dat die bywoning van spanbyeenkomste en spankampe vrywillig is en dat niemand daardeur benadeel mag word sou enige spanlid nie die spanbyeenkoms en of spankamp wil of kan bywoon nie.

Covid-19: toestemmingsvorm en vrywarring

Register: Naamlys vir spanbyeenkomste en spankampe

Die volgende moet egter in plek wees vir elke spanbyeenkoms:

  1. Die spanbyeenkomste kan slegs aangebied word by die spanoffisier (of spanlid) se huis;
  2. Die kommandodagbestuur moet inkennis gestel word dat ‘n spanbyeenkoms gehou word;
  3. Dit is noodsaaklik / verpligtend om ‘n register by te hou waarin die naam, van en     kontakbesonderhede van elke spanlid en spanoffisier wat die byeenkoms bywoon, aangeteken word;
  1. Dit is noodsaaklik / verpligtend dat ‘n vrywaringsvorm voltooi moet word deur elkeen wie die spanbyeenkoms bywoon. Die ouers moet namens minderjarige jeuglede die vrywaringsvorm voltooi
  2. Die nodige vraelys (voorbeeld sal beskikbaar gestel word op webblad) moet by elke byeenkoms voltooi en moet ingehandig word by die kommandodagbestuur;
  3. Die temperatuur van elke spanlid en spanoffisier moet geneem en op die betrokke vraelys aangeteken word.
  4. Hande moet met aankoms en met gereelde tussen pouse ontsmet / gewas / met handreiniger skoongemaak word;
  5. Gesigmaskers moet in die openbaar gedra word.
  6. Sosiale afstand moet gehandhaaf word.

Bo en behalwe die regulasies van die plek waar die spankamp plaasvind, moet die volgende egter ook in plek wees vir spankampe:

  1. Slegs spanne van maksimum tien (10) spanlede mag spankampe reël;
  2. Hande moet met aankoms en met gereelde tussen pouse ontsmet word;
  3. Dit is noodsaaklik / verpligtend om ‘n register by te hou waarin die naam, van en    kontakbesonderhede van elke spanlid en spanoffisier voorkom;
  1. Dit is noodsaaklik / verpligtend dat ‘n vrywaringsvorm voltooi moet word deur elkeen wie die spanbyeenkoms bywoon. Die ouers sal namens minderjarige jeuglede die vrywaringsvorm voltooi;
  2. Die nodige vraelys moet voltooi en moet ingehandig word by die kommandodagbestuur;
  3. Die temperatuur van elke spanlid en spanoffisier moet geneem en op die betrokke    vraelys aangeteken word;
  1. Gesigmaskers moet in die openbaar gedra word.
  2. Indien spankampe by kampterreine en / of spankamers gehou word met die volgende     van toepassing wees:

8.1  Sosiale afstandhouding (Social distancing) sal vereis dat bv. ‘n vier (4) man tent slegs twee (2) persone mag bevat maw 50% besetting van kamer en tent moet gehandhaaf word;

8.2  Vertrekke moet behoorlik geventileer word;

8.3  Gesigmaskers moet in die openbaar gedra word.

Geniet julle spanbyeenkomste en spankampe!

Die Voortrekkers Transvaal : Covid-19 en spanbyeenkomste

Goeie nuus … uiteindelik is Suid-Afrika op vlak 2! Die frustrasie met die Covid-19 inperking en die verbod op spanbyeenkomste en kampe of beperkte bymekaarkom geleenthede was tot op hede vir die lede van enige groep, veral vir ‘n kultuurorganisasie soos Die Voortrekkers, ondenkbaar en onhoudbaar. Ons mag nog nie in groot getalle kamp nie en mis ons voortrekkervriende.

Baie dankie aan elkeen wie getrou die regulasies eerbiedig het en soos altyd die reputasie van Die Voortrekkers beskerm het.

Die vlak 2 regulasies, soos uitgereik in die staatskoerant op 17 Augustus 2020, maak onder andere voorsiening vir die sosiale verkeer tot ‘n maksimum van tien (10) persone. Dit baan die weg vir spanbyeenkomste en spankampe.

Volgens die regulasies val Voortrekker aktiwiteite soos kommandokampe en groter groepaktiwiteite onder kultuur aktiwiteite en dus mag ons tans nie voortgaan daarmee nie.

Die volgende moet egter in plek wees vir elke spanbyeenkoms:

  1. Die spanbyeenkomste kan slegs aangebied word by die spanoffisier (of spanlid) se huis;
  2. Die kommandodagbestuur moet inkennis gestel word dat ‘n spanbyeenkoms gehou word;
  3. Dit is noodsaaklik / verpligtend om ‘n register by te hou waarin die naam, van en    kontakbesonderhede van elke spanlid en spanoffisier wat die byeenkoms bywoon, aangeteken word;
  4. Dit is noodsaaklik / verpligtend dat ‘n vrywaringsvorm voltooi moet word deur elkeen wie die spanbyeenkoms bywoon. Die ouers moet namens minderjarige jeuglede die vrywaringsvorm voltooi.
  5. Die nodige vraelys (voorbeeld sal beskikbaar gestel word op webblad) moet by elke byeenkoms voltooi en moet ingehandig word by die kommandodagbestuur;
  6. Die temperatuur van elke spanlid en spanoffisier moet geneem en op die betrokke vraelys aangeteken word.
  7. Hande moet met aankoms en met gereelde tussen pouse ontsmet / gewas / met handreiniger skoongemaak word;
  8. Gesigmaskers moet in die openbaar gedra word.
  9. Sosiale afstand moet gehandhaaf word.

Bo en behalwe die regulasies van die plek waar die spankamp plaasvind, moet die volgende egter ook in plek wees vir spankampe:

  1. Slegs spanne van maksimum tien (10) spanlede mag spankampe reël;
  2. Hande moet met aankoms en met gereelde tussen pouse ontsmet word;
  3. Dit is noodsaaklik / verpligtend om ‘n register by te hou waarin die naam, van en    kontakbesonderhede van elke spanlid en spanoffisier voorkom;
  4. Dit is noodsaaklik / verpligtend dat ‘n vrywaringsvorm voltooi moet word deur elkeen wie die spanbyeenkoms bywoon. Die ouers sal namens minderjarige jeuglede die vrywaringsvorm voltooi;
  5. Die nodige vraelys moet voltooi en moet ingehandig word by die kommandodagbestuur;
  6. Die temperatuur van elke spanlid en spanoffisier moet geneem en op die betrokke  vraelys aangeteken word;
  7. Gesigmaskers moet in die openbaar gedra word.
  8. Indien spankampe by kampterreine en / of spankamers gehou word met die volgende van toepassing wees:  Sosiale afstandhouding (Social distancing) sal vereis dat bv. ‘n vier (4) man tent slegs twee (2) persone mag bevat maw 50% besetting van kamer en tent moet gehandhaaf word; Vertrekke moet behoorlik geventileer word en Gesigmaskers moet in die openbaar gedra word.

Die huidige rampstatus, asook die impak daarvan op die skooljaarprogram; die relevante wetgewing met betrekking tot massa byeenkomste en die veiligheid van Voortrekkers word deurlopend gemonitor.

Dit bly nog steeds raadsaam om  kreatief te wees met E-aktiwiteite; mekaar telefonies te kontak; veilig en gesond te bly.

Navrae kan gerig word aan:

AGL Administrasie: Elsa Schnetler (082 707 2010 / [email protected])

GL Zandra Machin (082 923 5611 / [email protected])

Transvaal Voriesaamtrek 2021

Goeie dag Transvaal,

Soos julle kan sien, is ons reeds besig om Voriesaamtrek 2021 te beplan.

Ons Voriesaamtrek gaan volgende jaar vanaf 22 tot 24 Januarie 2021, soos gewoonlik, weer by Hartbeesfontein aangebied word.

Maak ‘n knoop in jou oor, plak die datum op jou yskas, skryf dit met lipstiffie op jou spieël of skryf dit op jou hand, in jou dagboek, enige plek, maar maak net ‘n plan om dit nie te vergeet nie.

Die kampprogram en registrasie sal vanaf 1 November 2020 beskikbaar wees.

Sien jou daar, want ons is uitgehonger vir ‘n lekker kuier.

O ja … die EIER …?  Sien jou by Transvaal Voriesaamtrek, dan verduidelik ons …

Kontakpersone:

KL Gerhard Gericke: [email protected] / 083 270 1630

AGL Dirk van den Berg:  [email protected] / 082 418 9467

Sunitha Swanepoel Navorsing

Die Voortrekkers is genader met versoek om toestemming te verneem vir ‘n universiteitsnavorsingsprojek. Die nodige toestemming is verkry en ek het alle aspekte van die projek ondersoek is en oortuig dat daar is geen risiko is nie want daar word behoorlike ag geslaan aan al die vereistes van die POPI-wetgewing, alle inligting is anoniem en ouers moet ook toestemming verleen vir enige deelname. Die deelname is vrywillig wat op enige stadium gestaak kan word. Dankie aan al die oorde wie hulle ondersteuning beloof het.

Ontmoet die narvorser, Sunitha Swanepoel, wie ons ondersteun:

My naam in Sunitha Swanepoel en ek is tans besig om my Meesters in Kliniese Sielkunde aan die Universiteit van KwaZulu-Natal te voltooi en werk by King Dinizulu Hospitaal Kompleks in Durban as deel van my Internskap.  As deel van my kursus doen ek Photovoice navorsing oor die persepsies en ervarings van manlikheid onder tiener Afrikaanse seuns.  Enige seuns tussen die ouderdom van 13-18 is vry om aan die studie deel te neem.  Alle deelnemers moet hulle eie data hê om via Zoom aan die studie deel te neem.

Volg asseblief die Google Slides link en lees meer oor Photovoice en my studie.  As u as ouer/voog dan toestemming gee dat u kind aan my studie mag deelneem volg asseblief die Google Forms link en voltooi die toestemmings form.  Daarna sal ek u e-pos met verdere inligting oor u seun se deelname aan die studie.  Alle Google Forms is beskerm met ‘n wagwoord waartoe net ek en my studieleiers toegang het.  Vir enige vrae kontak my graag op 0724401526.

Baie dankie vir al u hulp, ek waardeer dit opreg.

 Hieronder is die “links” vir die Google Form wat ouers en voogde kan voltooi om toestemming te gee dat hul seuns aan die studie kan deelneem sowel as die Google Slides voorlegging wat meer inligting oor my studie weergee.
https://docs.google.com/forms/d/e/1FAIpQLSepvqC_eba8kOE5s6Lt78vHvXjBZ0fqi2_72BDUJleRJ4aa2A/viewform?usp=sf_link
https://docs.google.com/presentation/d/1K1tibODK3TsOZbJN32sEbIBYZfuTieLbDWc_YE6k-f4/edit?usp=sharing

Die Google Forms gaan ouers en voogde se e-pos adresse na my stuur.   As ouers en voogde toestemming gee sal ek dan n e-pos aan hulle stuur met n Google Forms toestemming form wat die seuns ook kan voltooi om hul eie toestemming te gee om aan die studie deel te neem. Hierdie form sal die seuns se e-pos adresse opneem sodat ek die Zoom link vir hulle kan e-pos om aan die fokus groep bespreking deel te neem.

Al die Google Forms is beskerm met ‘n wagwoord waartoe net ek en my studie leiers toegang het en so is die ouers, voogde, en seuns se e-pos addresse dus beskerm.
Geen verdere persoonlike inligting sal opgeneem word nie.  In die opskryf van resultate sal alle seuns na verwys word as deelnemer 1, deelnemer 2, ens.
Die Zoom fokus groep bespreking sal opgeneem word om getranskribeer te word en sal ook met ‘n wagwoord besperk word waartoe net ek en my studie leiers toegang het.


Enige navrae kan gerig word aan HS Corlia Botha (082 550 2071 / [email protected] of myself: GS Elsa Schnetler (082 707 2010 /  [email protected] )

Transvaal gebiedskantoor se kantoorure

Transvaal Voortrekkers se gebiedskantoor se deure was gesluit op Donderdag 26 Maart 2020,ten einde gehoor te gee aan die inperkingstydperk soos afgekondig, maar dienslewering het onverpoos voort gegaan.

Die gebiedskantoor is nou vir langerure oop vir alle voortrekkerlede. Besoek ons gerus op  Dinsdae, Woensdae en Donderdae vanaf 09:00-12:30. kontak gerus vir ‘n afspraak, indien enige ander besoektyd gereël moet word.

Op ander werksdae hanteer Izelle Ryan, nog steeds alle voortrekker, SAS2 asook kommune navrae per e-pos.

Kontakbesonderhede van Izelle is as volg: 082 856 2981 / [email protected]

 

Transvaal Voortrekkaktiwiteite en Covid-19

Covid-19 is deel van ons daaglikse bestaan en verg voortdurende en deurlopende aandag.

Vir daardie doel is ‘n Covid-19 taakspan, bestaande uit kundiges en medici, saamgestel om die gebiedsdagbestuur in Transvaal deurlopend te adviseer rakende die moontlike hervatting van voortrekkeraktiwiteite in Transvaal.

Die boodskap van President Cyril Ramaphosa op 12 Julie 2020, bevestig die erns van die pandemie en die prioriteit wat Covid-19 betref.

Die volgende is die verantwoordelike optrede vir ons voortrekkerlede:

1. Geen kontak-spanbyeenkomste en ander sosiale voortrekker aktiwiteite, wat spankampe en kommandokampe insluit, kan plaasvind nie. Behou goeie en nodige kontak met spanlede deur Whats-App en ander elektroniese platvorms.

2. Transvaal se PV kandidate kan nie in span -en/of- oordverband saam deelneem aan die PV webinaar van 7 tot 9 Augustus nie.  Individuele deelname is die verantwoordelike opsie.

3.  Transvaal Voorslagkamp sal nie tans tot en met einde September in Transvaal aangebied kan word nie.

4.  Slegs noodsaaklike dagbestuur-en-bestuursvergaderings kan plaasvind, onderhewig aan die nakoming van die Covid-19 regulasies.

5. In sekere areas, onder andere in die plattelandse gebiede, is die Covid-19 infeksie tans laag. Daar kan by die gebiedsbestuur aansoek gedoen word vir die hervatting van sosiale voortrekkeraktiwiteite. Sodanige aansoeke sal dan deur die gebiedsekretaris gestuur word na die betrokke Rampbestuursowerheid van daardie betrokke streek of area vir finale goedkeuring.

6.  Wees verder ook bedag dat die huidige regulasies bepaal dat niemand saans tussen 21:00 tot 04:00 mag reis nie.

Die Departement van Gesondheid se Covid-19 inligting is beskikbaar op die landingsbladsye van Transvaal Voortrekkers webblad https://transvaal.voortrekkers.co.za/ en die Nasionale webblad https://voortrekkers.co.za/

Die Voortrekkers is ‘n ABCD organisasie en almal se ondersteuning en verantwoordelike optrede sal waardeer word.

Groete en wees verseker dat die gebiedsdagbestuur alle Voortrekkers se belange en gesondheid op die hart dra.

Enige navrae kan gestuur word na die gebiedsekretaris, Elsa Schnetler ([email protected] / 082 707 2010)