Suiderkruis GGA

Suiderkruis Voortrekkerkommando nooi julle hartlik uit na ons GGA die naweek van 28 en 29 Mei 2021.
Die GGA sal by verskeie persele aangebied word as gevolg van COVID-19 beperkings. Neem asseblief kennis: Geen oorslaap fasiliteite is beskikbaar nie, kinders gaan huis toe Vrydagaand en meld weer aan Saterdagoggend.
Uitnodigingsbrief

Graad Spesialisasie
Graad 1 Tuinier
Graad 2 Dierewaarneming
Graad 3 Handwerk
Graad 4 Groepspele
Graad 5 Brandweer
Graad 6 en 7 Persoonlike Versorging / Paraatheid / Gedenkwaardighede
Graad 8-12 Selfverdediging / Boogskiet / Vuurwapens / Kerkjaar

Navrae kan gerig word aan Pietrou Gie by 083 407 3020 of [email protected]

Die lys van saambring benodigdhede sal per epos gestuur word saam met die bevestiging van u inskrywing.

Noordpos GGA

Noordpos Voortrekkers nooi alle Penkoppe, Drawwertjies en Verkenners uit na ons GGA , te Laerskool Stephanus Roos, Antunstraat 273, Sinoville op 4 – 5 Junie 2021. Die naweek is ʼn volwaardige Gebied Goedgekeurde Aktiwiteit (GGA).
Tydens hierdie naweek kan elke Voortrekker hul kennis kom verbreed en die Voortrekkerlewe ten volle geniet!

SLUITINGSDATUM: VRYDAG 21 MEI 2021

Graad Spesialisasie
Graad 1 Selfsorg
Graad 2 Dierewaarneming
Graad 3 Plantwaarneming
Graad 4 Noodhulp
Graad 5 Brandweer
Graad 6 Paraatheid
Graad 7 Seremonies
Graad 8-12 Brandweer of Godsdiens vandag

Skakel vir die aanlyn Inligtingsbrief en inskrywingsvorm:  NOORDPOS GGA AANLYN INSKRYWING

Gebiedskantoor gesluit

Die skole sluit op Vrydag 23 April 2021 en die gebiedskampe wink vir almal!

Geniet julle kort vakansie en gebiedskampe!

Neem asseblief kennis dat die Transvaal gebiedskantoor sal gesluit wees vanaf Maandag 26 April 2021 tot Vrydag 30 April 2021.

Navrae: Kontak Elsa Schnetler met enige dringende navrae: 082 707 2010 / [email protected]

Medemenskamp 21-23 Mei 2021

Het jy al met jouself vergadering gehou en besluit wie jy is en wie jy wil wees? Weet jy hoe jy gaan optree wanneer iets gebeur of wag jy maar tot dit gebeur? Het jy geweet dat alles wat jy doen ‘n boodskap van jou oordra?

Die Medemenskamp is vir jou bedoel! Daar is net Gr 7’s op die kamp – geen “kleintjies” nie! Moet dit nie mis nie!

Die Medemenskamp se inligting is gereed om versprei te word. 

Die inskrywings kan gedoen word by https://inskrywings.voortrekkers.co.za/inskrywing# en die inskrywings is reeds oop.

Nicci Kleynhans

Kampadmin: Medemenskamp

Gewysigde 2021 Gebiedsjaarprogram

Sedert 2020 het almal geleer van teleurstellings, aanpassing en nou moes Transvaal se 2021 Gebiedsjaarprogram weereens vinning aanpas by die nuutste veranderinge …

Transvaal 2021 Gebiedsjaarpropgram (nuutste weergawe 15 April 2021)

Onthou: PV toeretiese toetsdatum is verander na 10 Mei 2021.

Garsvallei se gewilde Singkamp wat gedurende die naweek 7-9 Mei 2021  aangebied sou word, is gekanselleer.

Ons sal julle op gereelde basis op hoogte hou van enige verdere veraderinge wat mag plaasvind.

Groete en Hou Koers!

Voorslagliedjies:2021

Wil jy graag saamsing, maar weet nie waar die 2021 Voorslagliedjies wegkruip nie?

Hiermee die skakel na die 2021 Voorslagliedjies, as hulp vir die voorbereiding: https://sas2.voortrekkers.co.za/~tcY4l

Geniet die saamsing en sterkte met die voorbereiding!

Garsvallei Singkamp (Glaskamp):Mei 2021

Dit is met groot hartseer dat Garsvallei Voortrekkers se dagbestuur hiermee kennis gee van hul besluit om die GLAS-kamp van 2021 te kanselleer.

Garsvallei Glaskamp kansellasiebrief: Mei 2021

Rietvallei GGA/GGN: Mei 2021

Rietvallei Spesnaweek

Rietvallei bied ons jaarlikse GGA/GGN Spesialisasie Naweek aan van 7 tot 9 Mei 2021.

Die Volgende PD Spesialisasies word aangebied:

  • Graad 1 – Ek Weet (A)
  • Graad 2 – Noodhulp (A)
  • Graad 3 – Paraatheid (A)
  • Graad 4 – Groot Trek (B)
  • Graad 5 – Spanseremonies (B)
  • Graad 6 – Persoonlike Versorging (B)
  • Graad 7 – Voorslag Voorbereiding

Die Volgende Verkenner Spesialisasies word aangebied:

  • Waardes
  • Spyseniering
  • Nutsman
  • Vliegkuns

Let asseblief op dat alle inskrywings alreeds die 27ste April 2021 sluit. Daar is slegs beperkte plekke vir sommige van die spesialisasies.

Die verskillende spesialisasies word by die volgende plekke aangebied:

Graad 1 tot 3 is Saterdag 8 Mei by Collage Gemeente in Elarduspark

Graad 4 tot 6 is van Vrydag tot Saterdag (GGA) of tot Sondag (GGN) by Petrusstraat 741, Rietvalleirand.

Graad 7 en Waardes, beide net Saterdag 8 Mei, is by die Nederduitsch Hervormde Kerk Rietvallei in Elarduspark.

Spyseniering is die naweek by Kwartsietstraat 604, Moreletapark aangebied.

Nutsman is die naweek by Jochemstraat 228 Rietvalleirand

Vliegkuns is die naweek by Fly Inn Landgoed tussen Pretoria en Bapsfontein aangebied.

Rietvallei GGA/GGN uitnodigingsbrief

Staatmakers

Na aanleiding van ‘n paar versoeke/voorstelle dat die Staatmakerwapen moet verander en in opdrag van die hoofbestuur van Die Voortrekkers, het die nasionale staatmakerraad (NSR) dit goedgedink om hierdie meningsopname saam te stel om sodoende ‘n verteenwoordigende aanbeveling te kan rig aan die hoofbestuur van Die Voortrekkers.

Alle Staatmakers word versoek om asseblief die meningsopname te voltooi. Kommando’s se samewerking word gevra om ons te help om die meningsopname na alle Staatmakers te versprei. Nie-Staatmakers is ook welkom om die vraelys te voltooi.

Die meningsopname sal sluit op Woensdag, 14 April 2021 om 20:00.

https://forms.gle/GQ8xWKAc2P3Nrrj47