Word deel van die KENMAG …

Kenmag…

Geagte Offisiere,

Is jy moeg gesoek vir ‘n tiekieboks sodat jy jou kenteken kan klaar maak?

Voel jy dat ‘n see-insek net buite die PD’s se bereik is?

Voel jy dat om daai fax te stuur net nie so maklik is in 2019 nie?

Stel dan jouself beskikbaar om saam met ons die kentekens te hersien en ‘n paar nuwes uit te dink. Ons wil graag ‘n “KENMAG” van vlinke dinkers, passievolle spesialiste bymekaar maak om die proses aan die gang te sit.

Gaan asb na die skakel en sit jou naam op die lys. Ons sal informeel hard werk. Ons gaan ‘n Saterdag of twee lekker deur al die kentekens gaan en sien hoe ons dit kan verbeter. Indien jy nie kan deel wees van die proses nie maar wel voorstelle het is jy welkom om dit so aan te dui op ons vorm.

https://docs.google.com/forms/d/e/1FAIpQLSf-n4J0iWU02owm-Lm7ZMRXSObXhYGiB5vgQX7LA3CzwKT6VQ/viewform?vc=0&c=0&w=1

Groete

DIE KENMAG

082 921 5445

[email protected]

 

Oorgangsgebiede uitslae

Die vakansie wink maar die oorgangsgebiede se uitslae is vir eers belangriker. Ontvang hiermee die uitslae van die vier(4) oorgangsgebiede, Oord Monument (Sentraal), Oord Pretoria-Noord, Oord Pretoria-Oos en Oord Oosvaal se uitslae.

Spesiale omsendbrief – November 2019

Hiermee die foto’s van elke oordleier: Oord Oosvaal: Josua du Plessis, Oord Monument: Chaleen Strydom, Oord Pretoria-Oos: Kobus van der Merwe en Oord Pretoria-Noord: Bernard Nelson.

 

Transvaal Omsendbrief November 2019

Die Desember 2019 skoolvakansie wink en dis ongelooflik om te dink dat die vierde skooltermyn bykans verby is. Ontvang hiermee die die laaste omsendbrief vir 2019 tesame met die gebiedsraad GDB  terugvoerverslag vir termyn 2017-2019, Transvaal 2020+ aktiwiteite, 2020 gebieds – en- staatmakerjaarpogramme. 

Transvaal omsendbrief November 2019

Gebiedsraad GDB verslag 2017-2019 

Transvaal 2020 en verder aanbieding

Transvaal 2020 gebiedsjaarprogram

Transvaal 2020 Staatmakerjaarpogram

 

Transvaal Gebiedstaatmakerraad – Nominasies en verkiesing: 2019/2021

Ooreenkomstig die grondwet en reglemente van Die Voortrekkers word die genoemde bestuursliggame soos vermeld in die oproepbrief versoek om nominasies in te dien vir die verkiesing van die twee (2) adjunk-gebiedskakeldraers vir die Gebiedstaatmakerraad van Transvaal Voortrekkers vir die termyn 2019/2021.  

Nominasies moet voor of op 14 November 2019 ingedien wees by [email protected].

Die verkiesing sal in die vorm van ʼn elektroniese stemming plaasvind gedurende die dag van die 20ste November 2019.

Finale reëlings vir die stemproses sal saam met die nominasies versprei word teen 15 November 2019. ʼn Nominasievorm is hierby ingesluit.

Die volgende posisies is verkiesbaar op die Gebiedstaatmakerraad:

  • Adjunk-Gebiedskakeldraer [Admin]
  • Adjunk-Gebiedskakeldraer [Bemarking]

GSR nominasie oproep

Nominasievorms: GSR 2019-2021

Transvaal Voortrekkers Spesiale Omsendbrief

Transvaal Voortrekkers is die afgelope twee jaar besig met ‘n proses om saam met die Hoofbestuur, Die Voortrekkers te vernuwe vir die toekoms.
Transvaal Voortrekkers se gebiedsbestuur het op Saterdag 26 Oktober 2019 besluite geneem wat ons graag met almal wil deel op Saterdag 9 November 2019.
Almal word uitgenooi om as waarnemers die vergadering by te woon, indien jy nie reeds deur ‘n geloofsbrief afgevaardig is om die vergadering by te woon nie.

Plek: Hartbeesfontein

Transvaal Spesiale omsendbrief

Gebiedsraad Sakelys (GRSL201911)

Die Inskrywingsvorm se skakel is beskikbaar in die omsendbrief asook op die 9 November 2019 Transvaal kalender, in die Gebeurtenis vouer.

Die inskrywingsvorm moet asseblief deur almal voltooi word.

Ons Hou Koers lied onderskryf die proses waarmee Die Voortrekkers tans besig is:

As die lente oor die velde, in ‘n asem groen ontwaak

Leer en speel ons in ons eie, word die toekoms oopgemaak

Om die kampvuur, in die stiltes

Weef ons drome in die wind, strek ons uit na horisonne

Sal ons hoop ons saam verbind…

Hou Koers, Hou Koers, Deel die liefde vir ons land

Hou Koers, Hou Koers , Pluk die toekoms – vat my hand!

 

Ontmoet ons nuwe Gebiedskakeldraer

Baie geluk aan MJ Gouws wie tydens die afgelope GSR-verkiesing verkies as Transvaal se nuwe Gebiedskakeldraer vir die termyn 2019-2021.

Inligting rakende die verkiesing van die adjunk-portefeulje(s) sal binnekort bekend gemaak word.

MJ Gouws het in sy CV die volgende genoem as sy motivering waarom hy graag as gebiedskakeldraer wil dien: “In my 15 jaar van Voortrekkerwees het ek so ‘n paar belangrike goed geleer. Een van die belangrikste dinge is dat as ‘n kind ontvang ons so baie kennis by Die Voortrekkers dat dit ons plig is om aan te bly as ‘n volwassene by Die Voortrekkers en terug te ploeg dit wat ons ontvang het. Ek is nou al vir twee jaar ‘n Staatmaker en dit is die lekkerste ervaring van my lewe. Dus wil ek graag as Gebiedskakeldraer die Staatmakers ontwikkel en dryf om nie net terug te ploeg in ons organisasie nie, maar om ook die ervaring van ‘n leeftyd aan ander te kan bied as hulle hul voortrekkerloopbaan begin. Ek dink met harde werk en deursettingsvermoë kan ons die Staatmakers tot nuwe hoogtes dryf.

Thaba Voortrekkerkamp:I-Kamp

Graad 8 VERKENNERS van 2020: Gr 7 is verby en die hoërskool wag!

Skud op en moenie die geleentheid mis nie! Kom berei jou dan eers voor as Christen kryger op Thaba se I-KAMP.

Alle Verkenneroffisiere word uitgenooi om meer te kom leer oor Verkennerlewe en wat van jou verwag word as Verkenneroffisie!

Kom beleef GRIT: GELOOF ● RESPEK ● INTEGRITEIT ● TROTS

Datum: Sondag 08 Desember 2019 om 10:00 tot Dinsdag 10 Desember 2019 om 16:00

Waar: Op die plaas KLIPKOP, net buite Brits

Kostes: R485-00 per persoon

Inskrywing via webblad: www.thabakamp.co.za

Inskrywings open op 14 Oktober 2019 en sluit 17 November 2019 om 22:00.

Uitnodigingsbrief: 2020 Graad 8’s

Uitnodigingsbrief: Verkenneroffisiere

 

 

Gebiedstaatmakerraadverkiesing

VERKIESING VAN DIE TRANSVAALSE GEBIEDSTAATMAKERRAAD 2019/2021

Ooreenkomstig die grondwet en reglemente van Die Voortrekkers word die bogenoemde bestuursliggame versoek om nominasies in te dien vir die verkiesing van die Gebiedstaatmakerraad van Transvaal vir die termyn 2019/2021.  

Nominasies moet voor of op 3 Oktober 2019 ingedien wees by [email protected]. Die verkiesing sal in die vorm van ʼn elektroniese stemming plaasvind gedurende die periode van 7-10 Oktober 2019. Finale reëlings vir die stemproses sal saam met die nominasies versprei word teen 4 Oktober 2019. ʼn Nominasievorm is hierby ingesluit.

Die volgende posisies is verkiesbaar op die Gebiedstaatmakerraad:

  • Gebiedskakeldraer
  • Adjunk-Gebiedskakeldraer [Admin]
  • Adjunk-Gebiedskakeldraer [Bemarking]

Oproepbrief vir nominasies vir gebiedstaatmakerraadverkiesing

Nominasievorm

Vlotvaart 2019

OOR BIETJIE MEER AS ‘N MAAND IS DIT WEER VLOTVAART TYD!

KOM ROEI, KUIER, ONDERSTEUN EN GENIET DIE VLOTVAART SAAM MET ONS!!!

Die Vlotvaart vind vanjaar weer te Bronkhortspruitdam en wel te BAJADAM-OORD aan die suidekant van die dam plaas.

Datum: 18-19 Oktober 2019

Sluitingsdatum: Dinsdag 15 Oktober 2019

Die Vlotvaart begin om 21:00 op Vrydagaand 18 Oktober en duur tot 06:00 op Saterdagoggend 19 Oktober.

Uitnodiging

Inskrywingsvorm 

Vlotvaartreëls 

Vrywaringsvorm

Kanaalroei

Oord Bosveld bied aan: 25 ste Kanaalroei

Kom neem deel aan die wedren op die kanaal!

Wanneer: 23 en 24 September 2019. Maandag vanaf 16:30 tot Dinsdagmiddag 14:00.

Waar: Selfde plek as 2018 – koördinate is 25°41’05.1″S 27°49’47.8″E

Wie: Alle Verkenners en Gr 7 P/D’s

Kleredrag: Gr.7’s bring asseblief jou Formeledrag saam ons het vir julle ’n verrassing.

Koste: R200.00 pp – alle etes ingesluit

Sluitingsdatum: Woensdag 18 September 2019

Uitnodigingsbrief

Die skakel na die aanlyn inskrywings:  https://inskrywings.voortrekkers.co.za/skryfin/kanaalroei2019