“Ons glo in God Drie-Enig en ons glo in pret hier in die woud”
Ontdek die paradys van die Noorde. Baljaar by ons eie glyklip en onderneem staptogte op kronkelpaadjies met bome wat so hoog is dat hulle toppe skaars sigbaar is. Ontdek die geheime en versteekte watervalle in ons eie feetjieland.
Kampdatum: Woensdag 25 Maart 2020 om 14:00 tot Sondag 29 Maart 2020 om 12:00.
Inskrywingsvorm – Jeuglede (Vorm A)
Inskrywingsvorm – Volwassenes (Vorm B)
Naamlys – Vorm C
Opsomming – Vorm D
Geagte Offisiere,
Is jy moeg gesoek vir ‘n tiekieboks sodat jy jou kenteken kan klaar maak?
Voel jy dat ‘n see-insek net buite die PD’s se bereik is?
Voel jy dat om daai fax te stuur net nie so maklik is in 2019 nie?
Stel dan jouself beskikbaar om saam met ons die kentekens te hersien en ‘n paar nuwes uit te dink. Ons wil graag ‘n “KENMAG” van vlinke dinkers, passievolle spesialiste bymekaar maak om die proses aan die gang te sit.
Gaan asb na die skakel en sit jou naam op die lys. Ons sal informeel hard werk. Ons gaan ‘n Saterdag of twee lekker deur al die kentekens gaan en sien hoe ons dit kan verbeter. Indien jy nie kan deel wees van die proses nie maar wel voorstelle het is jy welkom om dit so aan te dui op ons vorm.
Groete
DIE KENMAG
082 921 5445
Die Desember 2019 skoolvakansie wink en dis ongelooflik om te dink dat die vierde skooltermyn bykans verby is. Ontvang hiermee die die laaste omsendbrief vir 2019 tesame met die gebiedsraad GDB terugvoerverslag vir termyn 2017-2019, Transvaal 2020+ aktiwiteite, 2020 gebieds – en- staatmakerjaarpogramme.
Transvaal omsendbrief November 2019
Gebiedsraad GDB verslag 2017-2019
Transvaal 2020 en verder aanbieding
Transvaal 2020 gebiedsjaarprogram
Transvaal 2020 Staatmakerjaarpogram
Transvaal Voortrekkers is die afgelope twee jaar besig met ‘n proses om saam met die Hoofbestuur, Die Voortrekkers te vernuwe vir die toekoms.
Transvaal Voortrekkers se gebiedsbestuur het op Saterdag 26 Oktober 2019 besluite geneem wat ons graag met almal wil deel op Saterdag 9 November 2019.
Almal word uitgenooi om as waarnemers die vergadering by te woon, indien jy nie reeds deur ‘n geloofsbrief afgevaardig is om die vergadering by te woon nie.
Plek: Hartbeesfontein
Transvaal Spesiale omsendbrief
Gebiedsraad Sakelys (GRSL201911)
Die Inskrywingsvorm se skakel is beskikbaar in die omsendbrief asook op die 9 November 2019 Transvaal kalender, in die Gebeurtenis vouer.
Die inskrywingsvorm moet asseblief deur almal voltooi word.
Ons Hou Koers lied onderskryf die proses waarmee Die Voortrekkers tans besig is:
As die lente oor die velde, in ‘n asem groen ontwaak
Leer en speel ons in ons eie, word die toekoms oopgemaak
Om die kampvuur, in die stiltes
Weef ons drome in die wind, strek ons uit na horisonne
Sal ons hoop ons saam verbind…
Hou Koers, Hou Koers, Deel die liefde vir ons land
Hou Koers, Hou Koers , Pluk die toekoms – vat my hand!
Daar is niks so hartseer soos ʼn eensame boompie wat alleen op die vlakte staan sonder identifikasie nie. Tydens die Septemberskoolvakansie is 12 verskillende spesies bome op die De Bankkampterrein geïdentifiseer en gee ons nou, jou kommando die geleentheid om vir hierdie boompies identiteit te gee. Vir slegs R70 kan jou kommando vir ʼn boom ʼn pasgemaakte naamplaatjie gee. Ons wil graag vir elke boom op De Bank ʼn plaatjie gee en hierdie plaatjie het ruimte vir ʼn pas gemaakte boodskap of wapen van jou kommando.
Verder wil ons al die Verkenners aanmoedig om fondsinsamelingsprojekte loods om juis hierdie plaatjies aan te koop. Gebruik gerus hierdie as ʼn geleentheid om julle jeugleiers op te lei in die beplanning en uitvoering van fondsinsamelingsprojekte.
Kommando’s het tot en met Vrydag 14 Februarie 2020 om fondse in te samel en die plaatjies te bestel. Daar is egter ʼn beperkte aantal plaatjies beskikbaar en kommando’s moet so gou spring om van hierdie buitengewone geleentheid gebruik te maak. Hierdie plaatjies sal dan vervaardig word en op De Bankkampterrein aangebring word. Tydens die Verkennerkoukus van 6-8 Maart 2020 sal hierdie plaatjies onthul word.
Bestellings kan geplaas word deur:
Slegs wanneer al twee hierdie aksies uitgevoer word, word dit as ʼn geldige bestelling beskou.
Transvaal Voortrekkers se bankbesonderhede:
Rekeningnaam: TVL Voortrekkers
Bank: Standard Bank
Tak: Arcadia
Takkode: 010 845
Rekeningnommer: 016 658 655
Verwysing: GJR_Kommandonaam
Enige navrae insake hierdie projek kan gerus gestuur word aan Jana Beens by [email protected].
OOR BIETJIE MEER AS ‘N MAAND IS DIT WEER VLOTVAART TYD!
KOM ROEI, KUIER, ONDERSTEUN EN GENIET DIE VLOTVAART SAAM MET ONS!!!
Die Vlotvaart vind vanjaar weer te Bronkhortspruitdam en wel te BAJADAM-OORD aan die suidekant van die dam plaas.
Datum: 18-19 Oktober 2019
Sluitingsdatum: Dinsdag 15 Oktober 2019
Die Vlotvaart begin om 21:00 op Vrydagaand 18 Oktober en duur tot 06:00 op Saterdagoggend 19 Oktober.
Ontvang hiermee die nuutste Transvaal omsendbrief.
Kontrolelys: Stig van Span/Los Veldkornetskap/Staatmakergroep/Kommando (Word)
Kontrolelys: Stig van Span/Los Veldkornetskap/Staatmakergroep/Kommando (PDF)
Kontrolelys: Ontbinding van Los Veldkornetskap/Staatmakergroep/Kommando (Word)
Kontrolelys: Ontbinding van Los Veldkornetskap/Staatmakergroep/Kommando (PDF)
Gebiedsraad: Oproepbrief
Gebiedsraad: Geloofsbrief (word) / Geloofsbrief (PDF)
Die Voortrekkers droom nie groot nie, ons praat nie groot nie, ons DOEN GROOT. Moenie hierdie eerste nasionale offisieresaamtrek misloop nie. Voortrekkeroffisiere gaan saamtrek vir ’n GROOT ervaring van lekker kuier, lekker sing en lekker kamp.
Datum: 9 – 12 Januarie 2020
Registrasie is vanaf 14:00 op Donderdag 9 Januarie 2020. Aandete is om 18:00. Die opening en verwelkoming vind 19:30 plaas en die kursusprogram begin om 20:30. Die amptelike program sluit Sondag met ’n erediens om 9:00 af.
Plek: Udolpho, die FAK-Rivierplaas, naby Parys.
Hierdie kamp gaan ’n besondere geleentheid wees met ’n groot aantal Voortrekkers wat oor die hele land saamkamp. Die plaas is sentraal geleë teen die Vaalrivier en is maklik bereikbaar vanaf die lughawe.
Inskrywings: Elektronies https://inskrywings.voortrekkers.co.za vanaf 2 September 2019.
Sluitingsdatum: 18 November 2019.
Kontakpersoon: Sinta Robbertse ([email protected] / 012 329 6011)
Datum: 13 en 14 September 2019 GGA
Plek: Wolwespruit baan, Pretoria-Oos
Sluitingsdatum: 30 Augustus 2019
Ontvang hiermee ook die skakel vir dokumentasie (inligting en inskrywing) vir ons Verkenner RFK Vrydag 13 September asook Graad 3 Fietsry, Graad 5 Fietskunde en RFK vir die res van die PD’s op Saterdag 14 September 2019.
Skakel na aanlyn inskrywing: https://docs.google.com/forms/d/e/1FAIpQLSfIyvIHX__VsjuB3DsZSQWMkIPVTSUZA33DI5UmQV9OXEj5ew/viewform
Hiermee ook die skakel na ons WEB bladsy met al die nodige inligting.
HL Danie Langner vertel van sy eerste afspraak met oom Jakkie: Op Donderdag 1 November 2018 het ek ‘n afspraak gehad met ‘n ene oom Jakkie van der Colf. In die dagboek staan hy wil my kom sien oor fietsry. Vreemd. Ek ken ‘n paar fiets idiome, maar oor die algemeen laat ‘n fiets nie my hart vinniger klop nie. In ons kamer staan daar wel ‘n oefenfiets, maar dit is net ‘n bron van huwelikspanning. Melanie sê gereeld en ongereeld ek maak daarvan ‘n klerehanger.
Toe oom Jakkie in my kantoor instap skat ek sy ouderdom enige iets tussen 75 en 85. Daar gaan ‘n lig op. Dit maak sin. Hy wil my kom sien oor die GESKIEDENIS van fietsry.
Jy kon my met ‘n veertjie omtik toe oom Jakkie duidelik en ondubbelsinnig aanmeld om manalleen vir die Voortrekkers van die Voortrekkermonument tot die Taalmonument sy fietsketting te laat sing. Die roete moet deur die Oos-Kaap, verby George en Hermanus loop en in Ceres draai, anders is die pad te kort. 2650 kilometer! Langs die pad wil hy soveel as moontlik Voortrekkerkommandos besoek en waar daar nie is nie, Voortrekkers bemark en nuwes stig. So iets het nog nooit in die geskiedenis van Die Voortrekkers gebeur nie. Ek moet bieg. Ek was eers verstom, toe skepties, ongelowig en realisties, terwyl oom Jakkie gelowig, optimisties en met vertroue die roete myl vir myl beplan het.
Oom Jakkie se motivering is eenvoudig: “Elke mens ongeag wie jy is, het drie dinge. Sommige het net een van en ander twee en sommiges selfs al drie van; Tyd, Talent, Bates. Om jou medemens of ‘n organisasie te help wat iets kort kom, kan mens een of meer van die drie dinge gee. In my geval het ek tyd op hande. Om my tyd nie nutteloos te laat verby gaan nie het ek besluit om tyd te gebruik om iets te doen vir die Voortrekkers. Ek kan nie anders nie as om te sê dit is ‘n uitsonderlike beweging. Kinders leer daar baie dinge. Ook om leiers te wees en om te dien. My doel is om die dinamiese Voortrekker beweging wyer bekend te stel en om fondse te werf wat hulle gebruik om diensbaar te wees.”
Nou is ons hier. Tien maande later. Amper by die wegspringblok. Die fiets is geolie en alles is gereed om die wiele te laat rol. Selfs Kuifie is opgewonde. Komende Saterdag, 17 Augustus, spring oom Jakkie 8:00 by die Voortrekkermonument weg en stop op 21 September by die Taalmonument.
Oom Jakkie is ‘n inspirasie en n voorbeeld van iemand met fikse denke en dade. Hy praat nie geskiedenis nie, maar trap tree vir tree nuwev geskiedenis. Die Voortrekkers is ‘n jeugbeweging waarin alle jongmense soos oom Jakkie baie welkom is.
