Bemarking

AGL Bemarking nominasie en verkiesing

by

VERKIESING VAN AGL BEMARKING

Ooreenkomstig die Grondwet en Reglemente van Die Voortrekkers word die bestuursliggame versoek om nominasies in te dien vir verkiesing van die AGL Bemarking portefeulje van Transvaal.

Oproepbrief

N2 nominasievorm

Die oproepbrief en die nominasievorm is ook beskikbaar op Die Voortrekkers Transvaal webblad onder Opskrif “Dokumentasie” in vouer Bemarking: https://drive.google.com/drive/folders/1jXNcAIWuHDZjzbMgh6dFJzWCf1w74A8u

Nominasies moet voor óf op 10 Oktober 2018 ingedien wees by [email protected].

Die verkiesing sal in die vorm van ʼn elektroniese stemming op 18 Oktober 2018 plaasvind.

Die CV’s van alle genomineerdes sal op 12 Oktober 2018 versprei word.

Finale reëlings vir die stemprosedures sal saam met die nominasies teen 12 Oktober 2018 versprei word.

Die volgende posisies is verkiesbaar: Adjunk-Gebiedsleier [Bemarking]

Opsomming van die datums is soos volg:

  • 13 September 2018 – Oproep vir nominasies
  • 10 Oktober 2018 – Sluiting van nominasies
  • 12 Oktober 2018 – Bekendmaking van nominasies
  • 18 Oktober 2018 – Verkiesing per elektroniese stemming.

Groete

Transvaal Gebiedsdagbestuur

GL Zandra Machin

AGL Administrasie: Elsa Schnetler

AGL Finansies en terreine: Anita Bezuidenhout

AGL Volwasse sake: Dirk van den Berg

AGL Verkennersake: Jaco van der Walt

AGL PD sake: Anine Wheeler

Die Voriemôl – Werkswinkel

by

Goeie nuus!  Die gedeelte waar die “ou” hoofkantoor van die Voortrekkers was, is nou ingerig as ‘n werkswinkel met tafels en 24 stoele.

Spanne is welkom om dit op weeksmiddae (14:30 – 18:00) te bespreek.  Koste: R100 per span vir 1 – 3 ure.  Die span se offisier bied self die program aan of reël ‘n aanbieder.

  1. AANBIEDINGS VIR SPANNE – Maandae tot Vrydae (tussen 14:30 en 18:00)

Op versoek kan die Voriemôl ‘n aanbieder verskaf om een van ondergenoemde kentekens/temas vir die span aan te bied.  Alle aanbiedings sluit ‘n item in wat huis toe geneem word.  Die item verskil van aanbieding tot aanbieding.

Koste: 1 uur – R60, 1 ½ – 2 ure – R80 per Voortrekker.

KENTEKENS TEMAS
• Junior Kok Gr 1

• Selfsorg Gr 1

• Kuiertyd Gr 2

• Noodhulp Gr 2

• Taalpret Gr 2

• Paraatheid Gr 3

 

 

 

 

 

 • Touwerk

• Noodhulp / Noodhulpsakkie

• Persoonlike versorging / higiëne

• Voortrekkerwapen

• Voortrekkervlag

• Nasionale vlag

• Voortrekkerkode

• Tafelmaniere

• Voortrekkerdrag en kleurstelsel

 

 

 • Hantering van gebruiksartikels / gereedskap

• Spele

• Fluitseine / handseine / geheime skrif

• Ons taal / my Taal

• Die Groot Trek

• Herwinning

• Spaarsin

• Monumente

• Uitnodigingskaartjies

 

 
Let wel – die aanbieding van kentekens sal oor meer as 1 sessie strek. Handvaardigheid, Beeldende Kunste en Handwerk: Spanne kan items vir hierdie kentekens maak, hoewel die volledige kenteken nie aangebied word nie.
  1. WERKSWINKELS VIR OFFISIERE – Saterdae (9:00 – 12:00)

Koste:  R100 – R200 per persoon (afhangend van aanbieding).

Datum Program
2 Junie Die Verkennerlewe – oulike idees vir Verkennerspanne
9 Junie Speletjies om Voortrekkers lekker te maak
16 Junie Praktiese hulpmiddels vir spanne
23 Jun – 16 Jul Skoolvakansie
21 Julie Metodes om Voorslagwerk maklik te leer
28 Julie Markdag
4 Augustus Kaartwerk vir spanoffisiere
18 Augustus Hoe om jou werk as offisier makliker te maak
25 Augustus Basiese noodhulp wat ‘n spanoffisier moet weet
1 September Oulike handwerk-items vir spanne
8 September Drukwerk op materiaal
15 September Voortrekker is groen!
22 September Spanbou met Verkenners
29 Sep – 8 Okt Skoolvakansie
13 Oktober Die leefwêreld van ons kinders
20 Oktober Die Voortrekkers Kook – lekker resepte!
27 Oktober Markdag
3 November Hoe om seker te maak my Graad 7’s hou aan met Voortrekkers.Wenke vir die nuwe Gr 8 offisier.
10 November Maak jou eie Kersgeskenke
17 November Stel jou spanprogram vir volgende jaar saam. Kry idees – ‘n praktiese sessie.

BESPREKING VAN AANBIEDINGS OF WERKSWINKELS

Bespreek vroegtydig, aangesien daar in die meeste gevalle net plek vir 24 persone is. Sluitingsdatum vir inskrywings is die Woensdag voor die Saterdag se aanbieding.

Kontak Lidia Hendriks by 0825644840 / 012 329 0198 / 012 329 0199 of stuur ‘n epos na [email protected].  Betalings moet asseblief elektronies gedoen word.

Bankbesonderhede:

Die Voortrekkers

Tjekrekening

Rekeningnommer: 50 30 50 15

Tak:  334645

Gebruik verwysing:  WW + Naam

Stuur bewys van betaling na [email protected]

Voriemôl markdag

by

Voriemôl markdag

Saterdag 19 Mei het ons voor die Môl ons eerste markdag. Ons wil graag spanne wat fondse wil insamel vir ‘n diensprojek, spankamp of toer ‘n geleentheid bied om Vorieburgers, Vorieworsrolle, Voriepannekoeke of enige iets kreatief te kom verkoop.

Stuur ‘n e-pos aan [email protected] indien jou span belangstel om ‘n produk by die markdag of in die winkel te verkoop.

Baie dankie!

Lidia Hendriks

082 564 4840

Bemarkingskompetisie

by

Neem gerus deel aan die bemarkingskompetisie van Transvaal Voortrekkers

Daar is nou ‘n geleentheid vir spanne en individue om deel te neem aan die kompetisie.
Maak gebruik van die geleentheid om jou kreatiwiteit en vindingrykheid te deel met almal.
Ons gaan poog om soveel as moontlik van die inskrywings op Transvaal se Facebookblad te deel.

Brief met reëls

Tekkies Kotze
AGL Bemarking

082 852 6171

[email protected]

 

Transvaal omsendbrief (2018/01)

by

Ons gebiedsleier Zandra Machin skryf “Die jaar is goed op dreef, en baie aktiwiteite het reeds suksesvol plaasgevind. Daar word hard beplan aan die April gebiedskampe en ek vertrou almal gaan heerlik saam leer, werk, kuier, speel en vakansie hou!.

Uit een van Stephan Joubert se dagboeke, bespreek hy Romeine 8:31-39 met die tema “Goeie padbouer, stewige pad”. Hierin dui hy die volgende aan: “Dit kos vandag bitter duur om paaie te bou. Snelweë se koste word in miljoene rande per kilometer bereken. Daarom dat die padbouers dit nie regtig kan bekostig om halwe werk te doen nie. Dit moet die eerste keer goed en reg gedoen word.

Lees verder … Transvaal Omsendbrief 2018/01

Voortrekkers kledingstukke

by

Ons gebruik op alle vlakke binne die Voortrekkers kledingstukke om ons spanne, kommando’s en selfs kampe uit te ken.

Baie van die kledingstukke verwys glad nie na die Voortrekkers nie en sodoende verloor ons die geleentheid om die Voortrekkers die nodige blootstelling te gee in die publiek.

Dit is gewoonlik hierdie tyd van die jaar waar veral spanne en kampe besig is om hul hemde te ontwerp.

Die bemarkingskomitee van Transvaal wil versoek dat spanne, kommando’s en kampe onthou om Die Voortrekkers die nodige blootstelling te gee op hierdie hemde.

Saam kan ons verseker dat Die Voortrekkers Vorentoe beweeg!

Met groot dank

Bemarkingskomitee van Die Voortrekkers: Transvaal

Renosterprojek

by

Wil jy graag help om ons kosbare renosters te red?

Die Voortrekkers Transvaal het vanjaar sommer ‘n baie lekker gemeenskapsprojek waaraan alle kommando’s en spanne kan deelneem.

Die Renosterprojek se doel is om geld in te samel vir Care for Wild, die organisasie sorg vir baba renosters wat se ouers dood gemaak is as gevolg van Renosterstropery.

Maak seker elkeen van julle kry ‘n Renoster spaarbussie en maak hom sommer gou gou vol!

Ons het ook plakkers laat maak vir die projek wat julle kan aankoop.

Kontak gerus vir Carinda Habig (071 832 5541 / [email protected]) indien julle enige vrae het!

Renosterprojek uitnodiging

Renoster uitstalling 1

Renoster uitstalling 2

Renoster plakkers 1

Renoster plakkers 2

Renoster plakker 3

Renoster spaarbussies in vele kleure

Renoster spaarbussie