Die Voortrekkers Transvaal : Covid-19 en spanbyeenkomste

Die frustrasie met die Covid-19 inperking en die verbod op spanbyeenkomste en kampe of beperkte bymekaarkom geleenthede is vir die lede van enige groep, veral vir ‘n kultuurorganisasie soos Die Voortrekkers, ondenkbaar en onhoudbaar.

Dit is egter nodig dat die reputasie van Die Voortrekkers beskerm word en dat die veiligheid van alle Voortrekkerlede en hul gesinne deurentyd in aanmerking geneem word.

Die Voortrekkers is ABCD mense en daardeur moet ons as positiewe burgers ons gehoorsaamheid aan die regering en enige regulasies bewys en verantwoordelik deur voorbeeld lei.

Dit is ‘n  realiteit dat daar reeds skole is aan wie toestemming verleen is om weer te open, met dien verstande dat die nodige maatreëls in plek is, wat onder andere insluit die dra van maskers, handhawing van afstand en die gebruik van handreinigingsmiddels. Die huidige infeksie statistiek wek egter groot kommer.

Vlak 3 regulasies soos uitgereik in die staatskoerant op 25 Junie 2020, maak onder andere voorsiening vir die opening van teaters, restaurante, bioskope, museums en biblioteke, nadat daar met die verantwoordelike kabinetminister gekonsulteer is. Volgens die regulasies val Voortrekker aktiwiteite onder kultuuraktiwiteite en dus mag ons nie tans voortgaan daarmee nie.

Gauteng is verder ook die nuwe epi-sentra en die risiko vir die verspreiding van die virus is té groot en daarom kan daar nie toestemming vir die hervatting van spanbyeenkomste en ander voortrekker aktiwiteite verleen word nie.

‘n Covid-taakspan is onder die voorsitterskap van GL Zandra Machin byeengeroep wie op daaglikse basis die situasie sal monitor en gereeld kommentaar en aanbevelings sal maak.

Die gebiedsdagbestuur is van mening dat die posisie in die platteland moontlik radikaal van die stede s’n mag verskil en daarom sal met rolspelers in daardie areas kontak gemaak word om die rampbestuur status te bekom.

Indien toevallige kontak tussen voortrekkerlede plaasvind moet dit geskied met die nodige Covid-19 protokols. Dis belangrik dat almal verstaan dat as gevolg van die risikos en die nasionale rampstatus, Die Voortrekkers se versekering nie enige dekking sal verskaf nie.

Dit is dus raadsaam om  kreatief te wees met E-aktiwiteite; mekaar telefonies te kontak; veilig en gesond te bly.

Covid-19 kenteken

Die Voortrekkers het ‘n Corona- kenteken vir ons jeuglede bekendgestel. Twee (2) werkboekies met die tema, Vreesloos verantwoordelik, is saam met die kenteken beskikbaar gestel vir laerskool en hoërskooljeug om saam met hulle spanne of individueel deur te werk.

Baie dankie aan die NK Bemarking wat die aksie geloods het om ʼn Covid-kenteken vir al die jeuglede saam te stel omdat daar nie vanjaar kampe kon plaasvind nie.

ALLE jeuglede wat vir 2020 geregistreer het kry die kenteken. Die kentekens sal by die Voriemôl beskikbaar wees vir kommando’s om aan te koop.

Hierdie kenteken sal vir senior Penkoppe en Drawwertjies wat aan die Voorslagproses van 2020 in berekening gebring kan word om te kompenseer vir die verlies aan ʼn spesialisasie by ʼn kamp wat nie kon plaasvind nie. Dit tel ook vir Verkenners as ‘n burgerskapkenteken as deel van die PV-proses.

Corona PD werksboekie

Corona Verkennerwerkboekie

Ons is beslis nie vreesbevange nie en neem verantwoordelikheid vir ons gesondheid. Alle jeuglede wat vanjaar registreer ontvang die eenmalige kenteken.

Die doel hiervan is om positiewe erkenning te gee aan die buitengewone jaar in die wêreldgeskiedenis en die vaardighede wat ons noodgedwonge moes aanleer.

Die enigste vergelykbare tyd in die geskiedenis mbt die impak van die virus op die Voortrekkersisteem is die Tweede Wêreldoorlog waar massabyeenkomste verbied is, kampe kon nie plaasvind nie, reisbeperkings is ingestel, voorrade nie beskikbaar was nie en finansies wat onder groot druk was. In 1944 het Dr. CF Visser met ‘n toekomsblik vyf (5) punte geïdentifiseer om stukrag aan nuwe groei te midde van die wêreldoorlog te gee:

  1. Put krag uit jou identiteit deur die “uitlewing van die erenaam Die Voortrekkers.” So word die band met die verlede bevestig en ‘n brug na die toekoms gebou.
  2. Besieling van ‘n Voortrekkers deur “avontuur, ondernemingsgees, swaarkry verduur en die kennismaking met die natuur.”
  3. “Trek voor” deur dienslewering.
  4. Opleiding en toerusting van volwassenes.
  5. Diensbare leiers.

Die ou woorde wat deur die dekades tot in ons eie dag eggo kon net sowel in 2020 geskryf gewees het.

Ons moet oopkop en rustig wees.

Alle storms gaan verby.

Die Voortrekkers hou steeds koers.

Nominasies vir Adjunkhoofleier Finansies

Dit is met spyt verneem dat AHL Jan van Heerden bedank het.                                                 

Ontvang hiermee HS Corlia Botha se skrywe namens die hoofdagbestuur insake sy bedanking en uitnodiging vir nominasies.                                                                                                       

Bedanking

Die nominasies open op Donderdag 13 Februarie 2020 en sluit op Vrydag 21 Februarie 2020. Die aangehegte nominasievorm en CV moet op 21 Februarie voor 12:00 aan Sinta by [email protected] gestuur word.
Die verkiesing deur die kieskollege vind op 27 Februarie 2020 plaas.       

Nominasievorm

Transvaal Omsendbrief November 2019

Die Desember 2019 skoolvakansie wink en dis ongelooflik om te dink dat die vierde skooltermyn bykans verby is. Ontvang hiermee die die laaste omsendbrief vir 2019 tesame met die gebiedsraad GDB  terugvoerverslag vir termyn 2017-2019, Transvaal 2020+ aktiwiteite, 2020 gebieds – en- staatmakerjaarpogramme. 

Transvaal omsendbrief November 2019

Gebiedsraad GDB verslag 2017-2019 

Transvaal 2020 en verder aanbieding

Transvaal 2020 gebiedsjaarprogram

Transvaal 2020 Staatmakerjaarpogram

 

Transvaal Voortrekkers Spesiale Omsendbrief

Transvaal Voortrekkers is die afgelope twee jaar besig met ‘n proses om saam met die Hoofbestuur, Die Voortrekkers te vernuwe vir die toekoms.
Transvaal Voortrekkers se gebiedsbestuur het op Saterdag 26 Oktober 2019 besluite geneem wat ons graag met almal wil deel op Saterdag 9 November 2019.
Almal word uitgenooi om as waarnemers die vergadering by te woon, indien jy nie reeds deur ‘n geloofsbrief afgevaardig is om die vergadering by te woon nie.

Plek: Hartbeesfontein

Transvaal Spesiale omsendbrief

Gebiedsraad Sakelys (GRSL201911)

Die Inskrywingsvorm se skakel is beskikbaar in die omsendbrief asook op die 9 November 2019 Transvaal kalender, in die Gebeurtenis vouer.

Die inskrywingsvorm moet asseblief deur almal voltooi word.

Ons Hou Koers lied onderskryf die proses waarmee Die Voortrekkers tans besig is:

As die lente oor die velde, in ‘n asem groen ontwaak

Leer en speel ons in ons eie, word die toekoms oopgemaak

Om die kampvuur, in die stiltes

Weef ons drome in die wind, strek ons uit na horisonne

Sal ons hoop ons saam verbind…

Hou Koers, Hou Koers, Deel die liefde vir ons land

Hou Koers, Hou Koers , Pluk die toekoms – vat my hand!

 

Transvaal omsendbrief: September 2019

Ontvang hiermee die nuutste Transvaal omsendbrief. 

Transvaal omsendbrief

2020 Gebiedsjaarprogram

Kontrolelys: Stig van Span/Los Veldkornetskap/Staatmakergroep/Kommando (Word)

Kontrolelys: Stig van Span/Los Veldkornetskap/Staatmakergroep/Kommando (PDF)

Kontrolelys: Ontbinding van Los Veldkornetskap/Staatmakergroep/Kommando (Word)

Kontrolelys: Ontbinding van Los Veldkornetskap/Staatmakergroep/Kommando (PDF)

Gebiedsraad: Oproepbrief

Gebiedsraad: Geloofsbrief (word) / Geloofsbrief (PDF)

 

Nasionale Offisieresaamtrek

Die Voortrekkers droom nie groot nie, ons praat nie groot nie, ons DOEN GROOT. Moenie hierdie eerste nasionale offisieresaamtrek misloop nie. Voortrekkeroffisiere gaan saamtrek vir ’n GROOT ervaring van lekker kuier, lekker sing en lekker kamp.

Datum: 9 – 12 Januarie 2020

Registrasie is vanaf 14:00 op Donderdag 9 Januarie 2020. Aandete is om 18:00. Die opening en verwelkoming vind 19:30 plaas en die kursusprogram begin om 20:30. Die amptelike program sluit Sondag met ’n erediens om 9:00 af.

Plek: Udolpho, die FAK-Rivierplaas, naby Parys.

Hierdie kamp gaan ’n besondere geleentheid wees met ’n groot aantal Voortrekkers wat oor die hele land saamkamp. Die plaas is sentraal geleë teen die Vaalrivier en is maklik bereikbaar vanaf die lughawe. 

Inligtingsbrief

Inskrywings: Elektronies https://inskrywings.voortrekkers.co.za vanaf 2 September 2019.

Sluitingsdatum: 18 November 2019.

Kontakpersoon: Sinta Robbertse ([email protected] / 012 329 6011)

Gebiedsraad: 9 November 2019

Die Voortrekkers Transvaal nooi alle afgevaardigdes van Voortrekkerbesture, soos waarna verwys word in Hoofstuk 23 van die reglemente, uit na ‘n Gebiedsraad vergadering wat gehou sal word op Saterdag 9 November 2019. Kom kuier saam met ons en verneem die korrekte inligting insake die herstrukturering en die besef dat alle vrese ongegrond is!

Plek: Hartbeesfontein

Oproepbrief – Gebiedsraad

Geloofsbrief (word)

Geloofsbrief (pdf)

Die name van alle kommando afgevaardigdes moet asseblief voor of op 11 Oktober gestuur word na [email protected]

Transvaal gebiedskantoor

Die gebiedskantoor se kantoorure sal as volg wees vanaf Maandag 10 Junie tot Vrydag 21 Junie 2019: 08:00-12:30.

Neem asseblief kennis dat die gebiedskantoor gesluit sal wees op Vrydag 14 Junie 2019.

Die skole sluit op Vrydag 14 Junie 2019 en heropen op Dinsdag 9 Julie 2019.

Geniet julle welverdiende vakansie en voortrekkerkampe!

Kontak AGL Elsa Schnetler vir enige voortrekker noodgevalle: [email protected] / 082 707 2010.

 

Transvaal Junie 2019 Omsendbrief

Dit is ongelooflik om te glo dat die skooltermyn bykans verby is en dat die Junie/Julie skoolvakansie wink…

Verdryf die koue met die nuutste omsendbrief van Transvaal Voortrekkers

Transvaal omsendbrief