Transvaal Staatmakers

Transvaal Staatmakers

Hierdie nuwe jaar merk ‘n nuwe seisoen met sy eie uitdagings en hoogtepunte, die jaarprogram is propvol nuwe aktiwiteite maar mag ons ‘n oomblik vat en waardeer dit is ‘n skoon nuwe kalender, wat se skedule en stories wag om vertel te word. Skryf hierdie jaar 2022 ‘n kalender wat jy sal onthou!

Onthou die volgende: A Revised schedule is to a business what a new season is to an athlete or a new canvas to an artist. – Norman Ralph Augustine

Transvaal Staatmaker bestuur 2021/2023

Gebiedskakeldraer – Karolien Thomas (0838005662)

Adjunk gebiedskakeldraers asook Oordverteenwoordigers:

Leeuwenveld – Bevan Jonck (0823117208)

Oosvaal – Joa van der Merwe (0713570139)

Bergenbos – Nerine Pretorius (0810488333)

Oosterlijn – Adriaan Terblanche (0713792808)

Baie geluk aan elke Groepbestuur wat verkies is, ons sien uit om hierdie termyn saam met julle te stap!

 Belangrike Datums

 12 Februarie 2022: Transvaal Staatmaker afskop

30 April – 2 Mei 2022: Transvaal Staatmaker Staptoer

5-9 Augustus 2022: Transvaal Staatmaker saamtrek

 Staatmaker opening 2022 / Afskop

12 Februarie 2022 se Transvaal Staatmaker afskop!!! Jy wil dit nie misloop nie!

Putt -Putt vir ‘n bietjie gesonde kompetisie en Pizza vir net R40.

14:00 vir 14:30 want ons weet Staties hou van laat slaap 😉

Is jy in vir baie pret? Skakel in by die WhatsApp groep vir die Afskop: https://chat.whatsapp.com/FqqC06N4sK10sSubvuFB00

Staatmaker Staptoer

Begin solank die stapskoene af stof en beplan aan jou etes.
Hou die spasie dop, meer inligting volg einde Januarie.

Transvaal 2022

Die jaar het op ‘n hoë noot afgeskop met ‘n baie suksesvolle Voriesaamtrek …

Ons kan dus met groot dankbaarheid in ons harte 2022 ingaan met ‘n Blye Vooruitsig!

Ontvang hiermee die volgende dokumentasie:

  1. Transvaal verwelkomingsbrief.
  2. Gewysigde Transvaal Gebiedsjaarprogram (25 Januarie 2022). Datums van Transvaal Staatmakers se aktiwiteite en die gewysigde datum van die Voorslagkamp is op die nuutste weergawe van die jaarprogram.
  3. Gewysigde 2022 GGA/GGN datums en spesialisasies.(27 Januarie 2022)
  4. Opsomming van Transvaal Gebiedskampe: Kampdatums en spesialisasies – PD Gebiedskampe en Verkenner Gebiedskampe.

Transvaal Voriesaamtrek 2022

Die Eier Broei Uit – Wat ’n Blye Vooruitsig!

Voriesaamtrek 2021 het nooit die geleentheid gekry om uit te broei nie…. wat beteken dat Voriesaamtrek 2022 nog groter en lekkerder gaan wees as ‘n hard gekookte eier op ’n pad-piekniek. Voorwaar iets om na uit te sien! Kom kuier, leer en deel saam met ons, en kry nuwe motivering en idees vir die jaar wat voorlê.

Kursusse sluit in: Spanhantering vir P/D Offisiere, Spanhantering vir Verkenner Offisiere, Voortrekkerbestuur, JOP: Emosionele Intelligensie, Avontuurfasilitering, Fotografie, Godsdiens in Voortrekkerpraktyk, Kreatiwiteit, Makkerhulp, Praktiese Spanhantering, Seremonies, Voëlidentifisering, Wynkennis, Werkswinkel vir Administrasie / SAS, Rondomtalie: Persoonlike-en-Bestuursvaardigheid.

Slegs elektroniese inskrywings word aanvaar by https://inskrywings.voortrekkers.co.za/

Sluitingsdatum vir inskrywings is 10 Januarie 2022.

Inligtingtingsbrief

HOU KOERS-KONSERT

HOU KOERS-KONSERT

Die Voortrekkers vier Donderdag 30 September 2021 hulle 90ste bestaansjaar met ’n geskiedkundige konsert wat op die vooraansig van die Voortrekkermonument projekteer word.

Is jy n Voortrekker, oud-Voortrekker of net n ondersteuner? Kom ons almal vier Donderdag die Voortrekkers se verjaarsdag deur die feeskonsert te ondersteun.

Adam Tas, Jak De Priester en Pieter Smith sal die lekkerste sangvermaak in Afrikaans aan oud en jonk verskaf. Die konsert word op 30 September 2021en 15 Oktober 2021 aanlyn uitgesaai. Kaartjies beloop slegs R150.00 per toestel en met ’n toegangskaartjie sal jy ’n skakel ontvang waar jy die konsert vanaf jou selfoon/rekenaar kan kyk.

Moenie hierdie spesiale geleentheidskonsert misloop nie.

Koop jou kaartjie NOU!   https://tickets.tixsa.co.za/events/22617

HOU KOERS-KONSERT

HOU KOERS-KONSERT

Die Voortrekkers vier Donderdag 30 September 2021 hulle 90ste bestaansjaar met ’n geskiedkundige konsert wat op die vooraansig van die Voortrekkermonument projekteer word.

Is jy n Voortrekker, oud-Voortrekker of net n ondersteuner? Kom ons almal vier Donderdag die Voortrekkers se verjaarsdag deur die feeskonsert te ondersteun.

Adam Tas, Jak De Priester en Pieter Smith sal die lekkerste sangvermaak in Afrikaans aan oud en jonk verskaf. Die konsert word op 30 September 2021en 15 Oktober 2021 aanlyn uitgesaai. Kaartjies beloop slegs R150.00 per toestel en met ’n toegangskaartjie sal jy ’n skakel ontvang waar jy die konsert vanaf jou selfoon/rekenaar kan kyk.

Moenie hierdie spesiale geleentheidskonsert misloop nie.

Koop jou kaartjie NOU!   https://tickets.tixsa.co.za/events/22617

Transvaal Omsendbrief

Wonder jy meer oor die 90-Jaar Voortrekkerfees en of wat in 2022 gaan gebeur …. Lees dan gou Transvaal Voortrekkers se nuutste omsendbrief.

Ongeag COVID-19 en die daaglikse uitdagings staan ons aan die begin van ‘n opwindende nuwe fase in die geskiedenis van Transvaal Voortrekkers. Een van hierdie aksies is dat elke oorgangsgebied hul eie jaarprogram vir 2022 sal opstel en saam met die Transvaal gebiedsbestuur sal bestuur.

Ons sien uit daarna om ons gebiedskampe aan te bied gedurende die komende Oktober vakansie. Ons begin ook reeds beplan aan die Transvaal Voriesaamtrek in 2022.

Transvaal Omsendbrief – Augustus 2021

Transvaal Omsendbrief Maart 2021

Goeiemiddag,

Die eerste kwartaal het later as gewoonlik begin; en dagboeke word gereeld opgedateer met datums wat aangepas word. Dit is verblydend om te sien hoe ons Groot gaan!! 

Ons gaan Groot met die onthulling van die oorde se nuwe oordwapens.

Ons gaan Groot deur diens te lewer saam met Cansa en Shavathon.

Ons gaan Groot met gebiedskampe wat hard aan die beplan is vir hul April kampe.

Ontvang hiermee Transvaal Voortrekkers se eerste omsendbrief vir 2021. Lees gou hier en kry die nuutste nuus…

Transvaal Omsendbrief Maart 2021

2021 Gebiedsjaarprogram – 10 Maart 2021

Die Voortrekkers Transvaal: Prosedures rakende COVID-19

Hierdie dokument is opgestel om riglyne te bied

  1.  rakende die hantering van COVID-19 en
  2. die uitvoering van die riglyne soos deur die parlement bepaal.

Dit is nodig dat alle Voortrekkerbesture; spanoffisiere, organiseerders van aktiwiteite en kampbesture van Die Voortrekkers Transvaal hulle vergewis van die inhoud van die prosedures en ook handel volgens die riglyne wat deur staatskoerante gepubliseer word.

Hierdie protokoldokument is van toepassing op alle bestuursliggame, Voortrekkerlede en  organiseerders van aktiwiteite binne Die Voortrekkers Transvaal.

Hierdie dokument is ondergeskik aan enige statutêre wetgewing en regulasies wat afgekondig kan word deur die Suid-Afrikaanse regering.

Die Voortrekkers Transvaal: Prosedures rakende COVID-19

Transvaal 2021 verwelkomingsbrief

2020 was ‘n jaar van uitdagings en aanpassings. Almal het uitgesien na ‘n “normale” 2021; die realiteit is egter dat die uitdagings, veral rakende Covid-19 nie minder is nie en ons is terug op ‘n vlak 3 van inperkings as gevolg van stygende Covid-19 getalle. Ons het egter al aangepas en weet min of meer wat om te verwag van die regulasies en inperkings.

2021 is ‘n groot jaar vir Die Voortrekkers want ons is vanjaar negentig (90) jaar oud…

Lees die res van die brief hier: 2021 Tvl Verwelkomingsbrief