Voriesaamtrek 2021

Die son het opgekom, die haan het gekraai en die hen het haar eerste eier gelê… Voriesaamtrek 2021 is uitgebroei en groei fluks!

As jy die groot nuus gemis het – Voriesaamtrek 2021 is volgende jaar, oudergewoonte op Hartbeesfontein, vanaf 22 tot 24 Januarie 2021.

Sluitingsdatum: 13 Januarie 2021

Skakel vir inskrywings:  inskrywings.voortrekkers.co.za

Kampkostes: Volwassenes: R350,00 en Kinders (PD’s en jonger): R260,00.

Kampbrief

Covid-19 Veiligheidsplan

FAQVoriesaamtrek2021

Transvaal Voriesaamtrek 2021

Die Voortrekkers Transvaal se jaarlikse Voriesaamtrek vind plaas gedurende naweek van 22 tot 24 Januarie 2021 te Hartbeesfontein.

Ons wil u uitnooi om te tender vir die spyseniering van die 2021 Voriesaamtrek. Ons verwag so tussen 200 en 250 volwassenes, maar finale getalle, kampprogram en tye vir etes en koffie/tee breke sal op ‘n later stadium deur gegee word.

Kombuis tenderproses en aansoekvorm

Transvaal 2020 Voorslageksamen

Beste Voorslagkandidaat en offisier,

Hiermee die inligting rakende die Voorslageksamen wat plaasvind op Saterdag 31 Oktober 2020.

Die lokaal indeling is as volg (kliek op die woord Lokaalindeling  hieronder om jou korrekte lokaal te vind)

Lokaalindeling 

Registrasie vanaf 07:30 tot 08:30

  1. By registrasie ontvang die kandidaat sy voorslagnommer op ‘n plakker wat hy op sy erkenningsbaadjie moet plak.
  2. Die kandidaat moet ook hierdie nommer op die vraestel aandui, wat hom en sy vraestel uniek identifiseer.
  3. Vanaf registrasie beweeg die kandidaat na die punt om sy Formele voortrekkerdrag te laat toets.

Toets van Voortrekkerdrag

  1. As die formele voortrekkerdrag klaar getoets is, wag die kandidaat geduldig tot hy in die eksamenlokaal ingelaat word.
  2. Dit is die kandidaat se verantwoordelikheid om seker te maak dat hy betyds by die lokaal aanmeld om sy voortrekkerdrag te laat toets voor die aanvang van die eksamen

Eksamenlokaal

  1. Almal beweeg op die laaste om 08:45 na die eksamenlokaal waar die volgende proses verduidelik sal word.
  2. Die eksamen duur vanaf 09:00 tot 12:00.
  3. Sodra die kandidaat die eksamen voltooi het; moet die kandidaat sy vraestel inhandig en dan kan hy die lokaal verlaat en huistoe gaan.

Saambringlysie

Elke kandidaat moet die volgende saambring. Niks mag gedeel word nie.

  1. MASKER – Daar sal van almal op die terrein verwag word om heeltyd maskers te dra en sosiale afstande te handhaaf.
  2. 30 cm liniaal
  3. 30 cm dun tou of wol vir kaartwerk
  4. Skryfbehoeftes

Geen selfone en slim horlosies word in eksamenlokaal toegelaat nie.

Enige navrae moet asseblief gerig word aan [email protected].

Sterkte met die laaste voorbereiding.

AGL PDsake Anine Wheeler

Vlotvaart 2020

Ons het nog plek op Vlotvaart vanjaar, aangesien ‘n paar groot Kommando’s nie deelneem nie. Ons kan dus ‘n aantal Gr 7’s wel akkommodeer om saam met die Graad 8-9’s te kom roei. Inskrywings sal op ‘n “eerste ingeskryf … ” basis hanteer word.

Skryf gou en kom neem deel…

Uitnodigingsbrief

Inskrwingsvorm

Vlotvaart 2020

VLOTVAART GAAN VOORT IN 2020!

KOM ROEI, KUIER, ONDERSTEUN EN GENIET DIE VLOTVAART SAAM MET ONS!!!

Vlotvaart 2020 word weer vanjaar aangebied te Bronkhortspruitdam en wel te BAJADAM-OORD aan die suidekant van die dam.

Die Vlotvaart begin op Saterdagaand 17 Oktober 2020 @ 18:00 en duur tot 24:00 die nag.

Inskrywings sluit op DONDERDAG 08 OKTOBER 2020.

Vlotvaart uitnodiging

Covid-19 reëlings vir vlotvaart

Vlotvaart inskrywingsvorm

Transvaal Voortrekkers en covid-19 Vlak 1

Suid-Afrika funksioneer vanaf 21 September om 24:00 op vlak 1.      

Regulasies vir vlak 1: Staatskoerant 18 September 2020                                                                              Regulasies vir vlak 1: Staatskoerant 20 September 2020

Die covid-19 taakspan het na bestudering van die nuutste regulasies besluit dat die volgende voortrekkeraktiwiteite mag plaasvind:

  • Spanaktiwiteite, dus spanbyeenkoms en spankampe
  • Kommandobyeenkomste en kampe
  • Gebiedsaktiwiteite en kampe

Die volgende bepalings en beperkings is van toepassing:

  • Die hoeveelheid mense wat ʼn aktiwiteit kan bywoon (aanbieders ingesluit) word deur die regulasies beperk deur die kapasiteit van die fasiliteit.
  • Vir binnemuurse aktiwiteite is die beperking 50% van die kapasiteit van die lokaal of 250 mense (watter een ook al die laagste is).
  • Vir buitemuurse aktiwiteite is die kapasiteit 50% van die kapasiteit van die perseel of 500 mense (wat ook al die minste is).
  1. Spanaktiwiteite (Spanbyeenkoms en spankampe)

Alle kommando’s se spanbyeenkomste en spankampe mag plaasvind sonder enige beperking op getalle. Dit is egter belangrik om te besef dat die bywoning van spanbyeenkomste, spankampe en kommandokampe vrywillig is en dat niemand daardeur benadeel mag word sou enige spanlid nie die spanbyeenkoms en of spankamp wil of kan bywoon nie.

Die volgende moet egter in plek wees vir elke spanbyeenkoms:

  1. Die spanbyeenkomste kan aangebied word by die spanoffisier, spanlid se huis en natuurlik by elke kommando se spankamers;
  2. Die kommandodagbestuur moet inkennis gestel word dat ‘n spanbyeenkoms gehou word;
  3. Die kommandodagbestuur moet verseker dat daar aan die nodige bepalings en      voorsorgmaatreëls voldoen word wanneer spanaktiwiteite aangebied word.
  4. Dit is noodsaaklik / verpligtend om ‘n register (word) / register (PDF) by te hou waarin die naam, van en kontakbesonderhede van elke spanlid en spanoffisier wat die byeenkoms bywoon, aangeteken word;
  5. Dit is noodsaaklik / verpligtend dat ‘n vrywaringsvorm (word) / vrywaringsvorm (PDF) voltooi moet word deur elkeen wie die spanbyeenkoms bywoon. Die ouers moet namens minderjarige jeuglede die vrywaringsvorm voltooi.
  6. Die nodige vraelys (voorbeeld sal beskikbaar gestel word op webblad) moet by elke byeenkoms voltooi en moet ingehandig word by die kommandodagbestuur;
  7. Die temperatuur van elke spanlid en spanoffisier moet geneem en op die betrokke vraelys aangeteken word. Alle persone wat die aktiwiteit bywoon se temperatuur moet geneem en aangeteken word met die aanvang van die aktiwiteit. Persone met ‘n temperatuur van 38° C of hoër moet vir 10 minute in die koelte weg van ander persone wag waarna die temperatuur weer geneem sal word. Indien die temperatuur steeds hoër as 38° C is kan die persoon nie die aktiwiteit bywoon nie.
  8. Hande moet met seep en water gewas word of met alkohol gereinig word met die aanvang van die aktiwiteit en ook beskikbaar wees tydens die duur van die aktiwiteit vir gereelde ontsmetting.
  9. Gesigmaskers moet ten alle tye gedra word deur almal teenwoordig.
  10. Sosiale afstand van 1.5 m moet ten alle tye gehandhaaf word tussen persone.
  11. Indien Voortrekkeraktiwiteite op terreine anders as die van ‘n privaat woning aangebied word moet die reëls en regulasies van die betrokke terrein/fasiliteit ook gehoorsaam word.
  12. Indien spankampe by kampterreine en / of spankamers gehou word met die volgende van toepassing wees:                                                                                                                                                

    12.1 ‘n Maksimum 50% besetting van 50% van ‘n kamer en tent moet gehandhaaf word; ‘n vier (4) man tent slegs twee (2) persone mag bevat.

    12.2  Sosiale afstandhouding (Social distancing) sal vereis dat bv. ‘n vier (4) man tent slegs twee (2) persone mag bevat maw 50% besetting van kamer en tent moet gehandhaaf word;

    12.3  Vertrekke moet behoorlik geventileer word;

    12.4  Gesigmaskers moet in die openbaar gedra word.                                                                                                                                                 

Die Voortrekkers en geen lid kan persoonlik of in ʼn ander hoedanigheid aanspreeklik gehou word sou ‘n persoon siek word tydens ʼn aktiwiteit nie. Bywoning is vir alle aktiwiteite vrywillig en op eie risiko. Die fisiese bywoning van Voortrekkeraktiwiteite is nie verpligtend nie. Sou ‘n kind of ouer besluit om eerder nie die aktiwiteit by te woon nie sal die kind nie benadeel word nie. Waar moontlik moet gepoog word om via ander metodes (bv. aanlyn) steeds hierdie lede te betrek by aktiwiteite.

  1. Kommando byeenkomste

Kommando byeenkomste word aangemoedig met die volgende bepalings en beperkings in ag geneem:

  • Die hoeveelheid mense wat ʼn aktiwiteit kan bywoon (aanbieders ingesluit) word deur die regulasies beperk deur die kapasiteit van die fasiliteit.
  • Vir binnemuurse aktiwiteite is die beperking 50% van die kapasiteit van die lokaal of tweehonderd-en-vyftig (250) mense (watter een ook al die laagste is).
  • Vir buitemuurse aktiwiteite is die kapasiteit 50% van die kapasiteit van die perseel of vyfhonderd (500) mense (wat ook al die minste is).

Registers, en take soos bepaal vir spanbyeenkomste MOET egter in plek wees vir elke kommandobyeenkoms.

  1. Gebiedskampe en alle ander gebiedsaktiwiteite

Gebiedskampe mag plaasvind onderhewig aan die getalle soos vermeld in die regulasies en na behoorlike aanbeveling en bespreking deur die covid-19 taakspan en/of GDB.                                       Geen gebiedsaktiwiteit sal goedgekeur word alvorens die organiseerders deeglike prosesse in plek plaas om te bewys dat aan die regulasies voldoen sal word en sonder die nodige goedkeuring nie.  Enige aanbeveling moet aandui hoe daar by die nodige regulasie beperkings gehou sal word.

Die covid-19 taakspan het op Maandag 21 September 2020 die aansoek en voorstelle van Wilgedraai  bespreek. Die aansoek is goedgekeur om ‘n gebiedskamp aan te bied.

Die volgende is ook van toepassing op kampe:  Beginsels vir groter voortrekkeraktiwiteite

Ek sluit af met boodskap soos ontvang vanaf gesondheidswerkers: 

Although our country will be on Level 1 of the national lockdown, it is still extremely important that you remain vigilant and take ownership of your health and look out for the health of those around you. Ultimately, your health is your responsibility. Please do not let your guard down and adhere to the protocols and regulations – for your own safety, and for the safety of others. It is also important to keep your mental health in check – make use of the #WellbeingWarriors campaign from our Department of Student Counselling and Development, which is aimed at encouraging health and well-being among students. Visit the COVID-19 website for comprehensive information and updates. Although the infection rate in our country is decreasing, remember that the COVID-19 pandemic is still testing every aspect of society; we must not underestimate the impact that the pandemic still has on local and global communities. Take care of yourselves and those around you and comply with the national guidelines and regulations.

Hartlike groete,

Transvaal Voortrekkers

Transvaal Gebiedskantoor

Gebiedskantoor: Die Gebiedskantoor is verheug dat Suid-Afrika uiteindelik op Vlak1 kan funksioneer en ons kan nie wag dat almal kom kuier by die Gebiedskantoor nie …

Vloeibare anti-bakteriese Handwasseep is teen ‘n billike prys te koop by Transvaal Gebiedskantoor

Vloeibare anti-bakteriese Handwasseep

Kom kuier en koop vloeibare anti-bakteriese Handwasseep vir jou huis, karavaan en kantoor

Kantoor gesluit: Die langnaweek wink en dus sal die Gebiedskantoor gesluit sal wees op Vrydag 25 September 2020.

Kantoorure: Ons kantoorure sal vanaf 1 Oktober 2020 as volg wees

Maandae, Dinsdae, Donderdae: 08:00 – 16:00

Woensdae: 12:00 -16:00

Vrydae: 08:00-14:00

Hoop om jou binnekort te sien by die Gebiedskantoor!

Transvaal Omsendbrief: September 2020

Wil jy graag meer weet van 2020 Voorslag, die 2021 PV proses, die Voriesaamtrek in Januarie 2021 asook die Voortrekkers se 90 jaar fees in 2021, lees dan gou die nuutste omsendbrief!

Transvaal omsendbrief: September 2020

Transvaal Voorslag 2020: Uitnodiging en Inskrywing

Almal is opgewonde om te mag deelneem aan die 2020 Voorslagproses.

Hiermee die nodige dokumentasie vir alle Graad 7 Voorslagkandidate se aandag

  1. Uitnodigingbrief
  2. Inskrywingsvorms
  3. Pi-vorm (elektronies invulbaar)
  4. Voorslag Prospektus
  5. Voorslagliedjies
  6. Riglyne vir voltooiing van die die P1-vorm

Die Voorslagtoetsing vind plaas op Saterdag 31 Oktober 2020.

Die Kaart-en-touwerk punte gaan prakties geëvalueer word en die toerusting vir die touwerk sal voorsien word. Alle ander evaluerings word teoreties gedoen, insluitend sang, seremonies, spelleiding en situasies.

Alle jeuglede skryf die eksamen in Formele Voortrekkerdrag wat dan ook geëvalueer sal word.

Sluitingsdatum vir inskrywings is Woensdag 23 September 2020.

Die Voortrekkers Transvaal: Spanbyeenkomste en Spankamp dokumentasie

Die vlak 2 regulasies, soos uitgereik in die staatskoerant op 17 Augustus 2020, maak onder andere voorsiening vir die sosiale verkeer tot ‘n maksimum van tien (10) persone. Dit baan die weg vir spanbyeenkomste en spankampe.

Transvaal Voortrekkers het na behoorlike konsultasies met kundiges, wat medici en regsadvies insluit, besluit om spanbyeenkomste en spankampe vir spanne wie se getalle ‘n maksimum van tien (10) spanlede is; toe te laat.

Dit is egter belangrik om te besef dat die bywoning van spanbyeenkomste en spankampe vrywillig is en dat niemand daardeur benadeel mag word sou enige spanlid nie die spanbyeenkoms en of spankamp wil of kan bywoon nie.

Covid-19: toestemmingsvorm en vrywarring

Register: Naamlys vir spanbyeenkomste en spankampe

Die volgende moet egter in plek wees vir elke spanbyeenkoms:

  1. Die spanbyeenkomste kan slegs aangebied word by die spanoffisier (of spanlid) se huis;
  2. Die kommandodagbestuur moet inkennis gestel word dat ‘n spanbyeenkoms gehou word;
  3. Dit is noodsaaklik / verpligtend om ‘n register by te hou waarin die naam, van en     kontakbesonderhede van elke spanlid en spanoffisier wat die byeenkoms bywoon, aangeteken word;
  1. Dit is noodsaaklik / verpligtend dat ‘n vrywaringsvorm voltooi moet word deur elkeen wie die spanbyeenkoms bywoon. Die ouers moet namens minderjarige jeuglede die vrywaringsvorm voltooi
  2. Die nodige vraelys (voorbeeld sal beskikbaar gestel word op webblad) moet by elke byeenkoms voltooi en moet ingehandig word by die kommandodagbestuur;
  3. Die temperatuur van elke spanlid en spanoffisier moet geneem en op die betrokke vraelys aangeteken word.
  4. Hande moet met aankoms en met gereelde tussen pouse ontsmet / gewas / met handreiniger skoongemaak word;
  5. Gesigmaskers moet in die openbaar gedra word.
  6. Sosiale afstand moet gehandhaaf word.

Bo en behalwe die regulasies van die plek waar die spankamp plaasvind, moet die volgende egter ook in plek wees vir spankampe:

  1. Slegs spanne van maksimum tien (10) spanlede mag spankampe reël;
  2. Hande moet met aankoms en met gereelde tussen pouse ontsmet word;
  3. Dit is noodsaaklik / verpligtend om ‘n register by te hou waarin die naam, van en    kontakbesonderhede van elke spanlid en spanoffisier voorkom;
  1. Dit is noodsaaklik / verpligtend dat ‘n vrywaringsvorm voltooi moet word deur elkeen wie die spanbyeenkoms bywoon. Die ouers sal namens minderjarige jeuglede die vrywaringsvorm voltooi;
  2. Die nodige vraelys moet voltooi en moet ingehandig word by die kommandodagbestuur;
  3. Die temperatuur van elke spanlid en spanoffisier moet geneem en op die betrokke    vraelys aangeteken word;
  1. Gesigmaskers moet in die openbaar gedra word.
  2. Indien spankampe by kampterreine en / of spankamers gehou word met die volgende     van toepassing wees:

8.1  Sosiale afstandhouding (Social distancing) sal vereis dat bv. ‘n vier (4) man tent slegs twee (2) persone mag bevat maw 50% besetting van kamer en tent moet gehandhaaf word;

8.2  Vertrekke moet behoorlik geventileer word;

8.3  Gesigmaskers moet in die openbaar gedra word.

Geniet julle spanbyeenkomste en spankampe!