Transvaal Shavathon

Shavathon 2018

Die Voortrekkers in Transvaal is druk besig met hulle jaarlikse Shavathon gemeenskapsprojekte.

Oord Pretoria-Oos se kommando’s het die afgelope naweek op Saterdag 24 Februarie in vier (4) winkelsentrums hulle verskil gemaak, terwyl die gebiedbestuursvergadering ook deelgeneem het!

Die komende naweek op Saterdag 3 Maart, gaan Polsslag Voortrekkers voort met die Shavathon gemeenskapsprojek by hulle Voortrekkersaal in Gloverlaan. Almal word uitgenooi om te kom deel neem.

Fotoalbum van die afgelope naweek se Shavathon tydens die gebiedbestuursvergadering!

SAS opleiding

SAS opleiding

Wil jy graag meer leer van SAS op kommandovlak?
Wel, hier is die ideale geleentheid!

Ons hanteer weer alle SAS vraagstukke op kommandovlak. Hierdie opleiding is die SAS intreevlak opleiding.

Wanneer: Saterdag 10 Maart 2018
Waar: Die Voortrekkers Transvaal se Gebiedskantoor te 990 Francis Baardstraat, Pretoria.
Tyd: 09h00-13h00
Saambringlysie: Eie skootrekenaar en ‘n bordjie eetgoed.
Ons het Wi-Fi toegang!

Bevestig asb julle teenwoordigheid voor óf op Maandag 5 Maart 2018 aan Elsa Schnetler (082 707 2010 / [email protected])

Sweepslag Superavontuur

Verkennernagmars

Sweepslag Staatmakers bied hierdie jaar weer hul berugte Superavontuur nagmars aan. Soos dit die geval was met die vorige nagmars, beloof Sweepslag om nog ʼn onvergeetlike aand van vrees en angs aan avontuurlustige verkenners te bring. Sweepslag het al meer as tien jaar se ondervinding, in nagmarste en weet hoe om verkenners te laat snak na hul asems.

Koste: R120 per verkenner en R100 per volwassene.(verblyf, twee etes en ʼn onvergeetlike nagmars word hierby ingesluit).

Kampbrief: http://www.sweepslag.org.za/verkennernagmars/

Verkenners: http://www.sweepslag.org.za/verkennernagmars/verkennerinskrywing/

Volwassenes: http://www.sweepslag.org.za/verkennernagmars/volwasse-inskrywing/

Navrae: Wessel van der Walt – 082 264 9643 of [email protected]

Hoop om almal daar te sien!

Groete

Wessel van der Walt

Oord Pretoria-Moot Fakkelloop

Spesiale uitnodiging aan die gebiedsdagbestuur, oorddagbesture, Kommandoleiers, mede-voortrekkers en ouers

U word hartlik uitgenooi na Oord Pretoria-Moot se jaarlikse Fakkelloop en Verootmoedigingsdiens.

Datum: Sondag 25 Februarie 2018

Tyd: 17:30 – 20:00

Plek: NG Kerk Mootvallei (H/v Louis Trichardt en Morgan straat)

Drag: Formele Voortrekkerdrag

Elke persoon verskaf sy eie fakkel. Ouers is welkom om saam te stap.

Uitnodigingsbrief

Voriegroete

Sonja Ahrens
Tel: 012 393 4071
Cel: 082 873 2109

Jakaranda PDkamp

Die Jakaranda PDkamp word vanjaar weer tydens die Maart-April skoolvakansie op die Hartbeesfontein Voortrekkerplaas aangebied.

Die Jakaranda PDkamp begin op 4 April 2018 en die inpaklys is beskikbaar!

Besoek die volgende skakel vir Jakaranda PD-kamp se kampbrief, sowel as die inpaklyste per kursus.
http://jakaranda.voortrekkers.org.za/index.html

Kamptema: Jakaranda Vol Vorentoe

Kampdatum: Woensdagaand 4 April 2018 om 18:30 tot Sondagoggend 8 April 2018 om 11:30.

Sluitingsdatum: Vrydag 2 Maart 2018

Besoek gerus Jakaranda se webblad by die volgende skakel: http://jakaranda.voortrekkers.org.za

kampbrief kampeerder

Kampbrief kommando

Inskrywingvorms vir PD’s, Verkenners en Volwassenes

Opsommingslys

 

Graad  Spesialisasie
Graad 1 Tuinier
Graad 2 Veldkook
Graad 3 Handwerk / Plantwaarneming
Graad 4 Noodhulp / Vasbyt / Versamelkuns
Graad 5 Ekosorg / Touwerk / Weerkennis
Graad 6 Beeldende kunste / Redding / Spoorsny
Graad 7 Medemens / Erfgrond
Volwassenes Spyseniering

Die Afikaanse Toekomstrust

Die Afrikaanse Toekomstrust

Die Afrikaanse Toekomstrust bedryf en bestuur die Toekomstuiste wat permanente pleegsorg ingevolhge die Kinderwet, Wet 38 van 2005, aanbied.

Die Toekomstuiste wil vir kinders in ons sorg ‘n veilige, geborge en liefdevolle tuiste bied waarin hulle kan ontwikkel ten einde as gebalanseerde en selfversorgende volwassenes hulle plek in die samelewing vol te staan.

Die model maak voorsiening vir ‘n studiebeurs van die Afrikaanse Toekomstrust en ‘n ondersteuningstelsel nadat die kind matriek slaag.

Die inligtingstuk en ‘n aansoekvorm van die Lyttelton Toekomstuiste is aangeheg.

Daar is tans plek vir 6 kinders tussen 0-10 jaar.

Inligtingstuk van die Toekomstuiste

Aansoekvorm

PV teoretiese eksamen en ledegelde

PV teoretiese eksamen en ledegelde

Die PV-teoretiese vraestel word geskryf op 16 April 2018 in die verskillende sentrums wat deur die gebiedsdagbestuur gereël sal word.

Neem asseblief kennis dat alle graad 12 PV kandidate se ledegelde vir 2018 oorbetaal moet wees voor einde Februarie 2018 as hulle wil deelneem aan die PV eksamen proses.

Ledegeld betaalbaar beloop R435 per jeuglid en betalings moet deur die Kommando geskied.

Lede moet geregistreer en as betaal gemerk wees vir 2018 op SAS wanneer die oorbetaling gedoen word.

Enige navrae in verband met die betaling kan gerig word aan [email protected]

Sterkte aan die PV kandidate wat voorberei vir die PV eksamen wat voorlê!

Transvaal groete

Werkboeke vir Penkoppe en Drawwertjies

Goeienuus …

Kry jou nuutste weergawe van die werkboeke vir penkop en drawwertjies!

Die nuutste weergawe van die Penkoppe en Drawwertjies werkboeke (Graad 1 tot 7) is nou elektronies beskikbaar.

Graad 1 werkboek

Graad 2 werkboek

Graad 3 werkboek

Graad 4 werkboek

Graad 5 werkboek

Graad 6 & 7 werkboek

Dit nuutste weergawe (November 2017) van die PD werkboeke  is ook beskikbaar op die Houkoers webblad: http://www.houkoers.co.za/Dokumentasie/Literatuur

Maak asseblief seker dat slegs die nuutste weergawe gebruik word.

Enige navrae kan gerig word aan [email protected]

Rhus Keeti Verkennerkamp

Rhus keeti Avontuurkamp 2018

RhusKeeti Avontuurkamp is ‘n Verkennerkamp wat jaarliks tydens die Maart-April skoolvakansie op die Tarentaalstraat kampterrein aangebied word.

Nog net 30 dae dan kamp ons!

Jy sal dus vinnig moet spring om in te skryf as jy of jou Verkenners saam wil kamp – 4×4 Veldry en Fotografie is reeds vol.

Kampinskrywings sluit Vrydag 9 Maart – daar is dus regtig min tyd oor.

Beloer die kursusse wat aangebied word by www.rhuskeeti.co.za en skryf in by https://inskrywings.voortrekkers.co.za. Hoekom doen ons dit so?  Want hier praat ons jou taal – Digitaal!

Vir navrae kontak Nicolette Koukeas – [email protected]

Gebruik die skakel https://inskrywings.voortrekkers.co.za om in te skryf.
Daar is ook ‘n opwindende nuwe kursus wat aangebied word.
Gaan lees alles daaroor en spring vinnig – inskrywings is beperk en geen plekke word bespreek nie.

Sien jou op Rhus keeti Avontuurkamp waar ons jou taal praat – Digitaal!

Vir enige navrae kontak Nicolette Koukeas – [email protected]

Graad Spesialisasies
Graad 8-9 Veldvernuf

Verfbal

Graad 8-12

 

Boomidentifisering

Digitale kommunikasie

Voëlidentifisering

Fotografie VOL

Sterrekunde

Graad 10-12

 

Bergfietsry

Jag en Wildbeheer

Rotsklim

Gevorderde boogskiet

Kampbeveiliging

Spysenierng

 Graad 11-12 4×4 Veldry VOL

Ruimte / Tegnologie

Ruimteselfbehoud

Noordelike Penkop-en-drawwertjiekamp

Die jaarlikse Noordelike PD kamp vind gedurende die Aprilvakansie plaas.

Kom kamp saam met ons en ontdek die paradys van die Noorde.
Ons baljaar by ons eie glyklip en onderneem staptogte op kronkelpaadjies met bome wat so hoog is dat hulle toppe skaars sigbaar is.
Kom ontdek die geheime en versteekte watervalle in ons eie feetjieland.

Kampdatum: Woensdag 4 April 2018 om 14:00 tot Sondag 8 April 2018 om 12:00.
Plek: Faerie Glen Kampterrein (Westfalia) tussen Duiwelskloof en Tzaneen.

Kampbrief
Vorm A vir Jeuglede
Vorm B vir Volwasse lede
Vorm C Naamlys volgens kursusse
Vorm D vir Opsomming van getalle

Graad  Spesialisasie
Graad 1 Tuinier
Graad 2 Dierewaarneming
Graad 3 Handwerk
Graad 4 Plantekennis
Graad 5 Touwerk
Graad 6 Spoorsny
Graad 7 Veldbewustheid